Itali, Juve përkohësisht në krye

[Eloidette]

Juventusi përmbysi rezultatin duke mposhtur 3-1 Catanian dhe duke u ngjitur përkohësisht në krye të Serisë A.



Barrientos me golin e tij në minutën e katërt shokoi tifozët në Juventus Arena. 18 minuta më vonë Pirlo barazoi nga një goditje standarte, goli i parë për të pas 1 viti e gjysmë.

Në pjesën e dytë Chiellini kaloi Juven në avantazh ndërsa në fund Quagliarella vulosi fitoren 3-1 të skuadrës së Kontes, që javën e ardhshme do të përballet në San Siro me Milanin.

[sabah]

Asgjë nuk ndodh rastësisht. Kështu të shtunën, në momentin më të vështirë të sezonit, Andrea Pirlo ka marrë Juven për dore. Si babai me vajzën e tij. E ka qetësuar pas golit të Barrientos, e ka përkëdhelur me goditjen e dënimit që ka barazuar ndeshjen, e ka bërë të buzëqeshë me asistin për golin e Kielinit, dhe e ka vënë në një gjumë të ëmbël me pasimin për golin e tretë të shënuar nga Kualjarela, me Juven që, edhe pse përkohësisht, është kthyer ne krye të renditjes.

Ajo që kishte më shumë rëndësi ishtë ringritja pas dy barazimeve 0-0, rigjetja e rrugës, dhe të mos mendohej për Milanin që sot, siç pritej, është kthyer në vendin e parë, por që sigurisht nuk mund të arratiset. Dhe nëse Juventusi ka arritur objektivin e vet duhet të falenderojë Pirlon.

Sa i madh është ky lojtar e dimë prej vitesh, megjithatë ai vazhdon të mahnisë. Statistikat tregojnë se kundër Katanias Pirlo ka realizuar një gol (nuk shënonte që nga 2 tetori 2010), ka goditur traversën, ka dhënë dy asiste. Statistikat e ndeshjes nuk tregojne se Andrea ka qenë shoku më i mirë i lojtarëve bardhezinj, që i kanë besuar verbërisht atij.

Çdo top kalonte nga Pirlo, sepse midis këmbëve të tij nuk ishte shumë i nxehtë dhe nga koka e tij lindte gjithmonë idea e duhur. Andrea është një kampion, është mësuar të jetë i kthjellët në momentet e vështira dhe ka shkuar në Torino për t’i mësuar (bashkë me Bufonin dhe Del Pieron) grupit se si fitohet. Të shtunën ka dhënë një leksion të jashtëzakonshëm: praktik, jo teorik.

Menjëherë pas golit të Katanias, Pirlo ka filluar të kërkojë portën me ngulm. Kur Koziçki ka vendosur keq murin mbrojtës, është kuptuar se do të kishte ardhur barazimi: “Ishte e rëndësishme të shënoja, – ka thënë në fund, – sepse ishim në disavantazh dhe kemi reaguar menjëherë. Më pas kemi marrë një fitore të çmuar. Në ndeshjet e fundit na ka munguar vetëm goli".

[Eloidette]

JUVENTINA bardhezi