“Presheva për Kosovën, veriu për Serbinë”

[Romina]

Ish-koordinatori i Paktit të Stabilitetit për Europën Juglindore, Erhard Busek, deklaroi se Prishtina dhe Beogradi duhet të nisin diskutimet për ndryshime territoriale të hartës së dy shteteve.

Në një prononcim për KTV-në, ai tha se kjo është zgjidhja më e mirë për të siguruar stabilitet afatgjatë. Sipas tij, ky “shkëmbim territoresh” do të shpërblehej me statusin e vendit kandidat për Serbinë dhe njohjen nga pesë vendet e mbetura të Bashkimit Europian, për Kosovën.

Sipas Busek, është e arsyeshme që Presheva, Medvegja dhe Bujanovci, tre qytetet serbe me popullsi dërrmuese shqiptare dhe rrethinat e tyre, të përfshihen në shtetin kosovar. Nga ana tjetër, krahinat me popullsi serbe në veri të Kosovës do të kalonin në shtetin e tyre “nënë”.

”Jam i bindur që nëse bisedimet aktuale nuk do të sjellin asnjë zgjidhje, atëherë ndarja mbetet e vetmja mundësi”, u shpreh Busek.

Sa u përket bisedimeve mes Prishtinës dhe Beogradit, ai ka thënë se vetëm pas zgjedhjeve në Serbi do të krijohen kushte të favorshme për zhvillimin e bisedimeve.

Aleanca Kuqezi: Jo pazar me tokën e Kosovës

Aleanca Kuqezi reagoi ashpër kundër fjalës së Erhard Busek, ndërsa theksoi se ndarja e Kosovës është një ide pa asnjë bazë.

”Kufijtë e Kosovës nuk janë dhe nuk mund të jenë një çështje pazaresh”, shkruante “AK” në një deklaratë të botuar për shtyp, mëngjesin e së dielës.

”Ne mbështesim projektin amerikan për Kosovën, pasi shkëmbimi i territoreve nuk është garanci për stabilitet. Propozimi i Erhard Busek nuk është aspak konstruktiv për rajonin”, vlerësoi Aleanca./tch/

[sabah]

Shkëmbim teritoresh shqiptare përsëri me teritore shqiptare?!Hahaha,po kjo punë tani nuk është vetëm në dorë të evropianëve.Shqiptarët kanë humbur boll teritore deri më tash.Kjo lloj zgjidhjeje është e papranueshme për logjikën njerëzore në përgjithësi,por edhe për shqiptarët në veçanti.Shqiptarët do të jenë të detyruar të pranojnë shkëmbim vetëm në ato vende ku është kryer spastrim etnik.Ndërsa në zonat ku banon sikur edhe një familje shqiptare,ky shkëmbim nuk mund të pranohet dhe nuk duhet të ndodhë.