Falcon F7, nje super-makine amerikane

[sabah]

Një pjesë e jashtme e alumintë me fibra karboni, motor V8 7 litra cilindrat dhe 620 kuaj fuqi.
Janë këto disa nga të dhënat kryesore të super makinës amerikane Falcon F7 e cila është realizuar dhe prodhuar në seri të limituar nga Mach7 Motorsports, një ndërmarrje e vogël e Holly, në shtetin amerikan të Michigan.
Ajo është e pajisur me kambio manuale prej 6 marshesh, ndërsa për sa i përket motorit V8 është një derivat i Corvette.
Pesha e saj, siç bëhet e ditur nga agjencia e lajmeve NOA.al, është 1 mijë e 260 kilogramë.
Lehtësia e makinës i lejon Falcon F7 të arrijë një shpejtësi që mund të variojë nga 305 deri në 320 km/h dhe të kapë 100 km/h në 3.3 sekonda.
Mach7 Motorsports do të prodhojë përafërsisht një sasi prej 20 makinash në vit me çmime që do të variojnë nga 200 deri në 250 mijë dollarë.