BB, alarm për borxhin publik të Shqipërisë

[Romina]

Përfaqësuesja e Bankës Botërore, Kseniaya Lvovsky jep alarmin se Shqipëria ka borxhin publik më të lartë në rajon. Në kushtet e ngadalësimit te rritjes ekonomike, ky tregues mbetet një kërcënim për ekonominë. Si pasojë e kësaj situate dhe efekteve negative te pritshme gjate këtij viti, qeveria shqiptare do te rishikoje strategjinë me Bankën Botërore. Ky institucion gjate 2012-ës, do t’i japë me shume mbështetje buxhetit te shtetit me fonde, për te zbutur efektet e krizës ekonomike.
“Kur strategjia me qeverinë u hartua ishte parashikuar që rimëkëmbja ekonomike do të ishte më e mirë. Askush nuk kishte parashikuar që eurozona do te futej në krizë. Kjo situatë do te ketë impakte ne ekonominë shqiptare, ndaj ne do te bëjmë disa ndryshime te rëndësishme ne strategji. Fokusi kryesor është reduktimi i efekteve nga kriza, si dhe pikave te dobëta fiskale,” është shprehur Kseniaya Lvovsky, drejtore e BB-së për Shqipërinë.
Ndërsa lidhur me mbështetjen financiare që banka pritet te japë për qeverinë e shqiptare, sipas saj ende nuk janë përcaktuar kriteret dhe kushtet. Por ekspertët e bankës te mbërritur prej dy ditësh ne Tirane lanë të kuptohej qartë se qeveria shqiptare duhet të ulë borxhin publik. “Jemi ende ne fazën fillestare te negociatave me qeverinë. Nuk po diskutojmë vetëm për një kredi, por disa mbështetje buxhetore qe mund ti japim Shqipërisë gjate këtij viti. Që vendi juaj ti përfitojë këto fonde, ne po shikojmë treguesit makroekonomikë, si dhe konkurrueshmërinë e ekonomisë shqiptare. Qeveria ka parashikuar ne strategjinë e saj qe te reduktoje borxhin, ndaj ajo e kupton rëndësinë e kësaj situate. Sa me pare te ulet ky tregues, aq me mire është për ekonominë,” deklaroi Ron Hood, ekspert i BB-së.
Më parë u fol se Banka Botërore është e gatshme të ofroje një kredi nga 100 deri ne 300 milion $. Ekspertet e bankës thanë se qeveria është e gatshme të marrë të gjithë këtë fond, por mbeten për tu parë kushtet konkrete që do të përcaktojë Banka Botërore dhe gatishmëria e qeverisë për t’i zbatuar ato në mënyrë që të përfitojë kredinë.

[sabah]

Nuk eshte ndonje informacion i panjohur ky.Megjithate shpejt qenkan kujtuar keta te BB per te dhene alarmin.Ketu cdo investim te pakten nga ana e shtetit eshte bere me pare borxh.Po vjen nje dite qe borxhi do lare.Borxhi ne shqiperi sipas eksperteve te ekonomise ka arritur nje pike kritike rreth 60% e GDP te shtetit shqiptar.Kjo do te thote se brezat e ardhshem do te jene te kredhur ne borxhe per shkak te paaftesise apo te papergjegjshmerise (merreni si te doni kete) te pushtetareve te sotshem