10 shtetet më të vegjël në botë…

[Romina]

1.Vatikani: Është shteti më i vogël në botë për sa i përket popullsisë dhe sipërfaqes. Ka afërsisht 930 banorë por bashkë me turistët ky numër arrin në 1500. Gjendet në Romë, kryeqytetin e Italisë. Cilësohet si shteti brenda shtetit. Është shteti i Qendrës Drejtuese të Fesë së Krishterë në botë. Është i rrethuar me mure të larta dhe kamera.


2.Monako: Është shteti i dytë më i vogël dhe i pavarur pas Vatikanit dhe vendi i parë në botë për sa i përket dendësisë së popullsisë. Kufirin tokësor e ndan me Francën dhe përbëhet nga Monako e Vjetër dhe ndërtesat e ndërtuara më vonë. Ka 32 mijë banorë.


3.Nauru: Është një shtet ishull i Mikronezisë, i shtrirë në Oqeanin Paqësor. Me një popullsi prej 9 322 banorësh, Nauru është vendi i dytë pas Vatikanit për popullsinë më të ulët në botë.


4.Tuvalu: Gjendet në Oqeanin Paqësor, përbëhet nga 9 ishuj të vegjël. Ka një sipërfaqe prej 26 km2. Është shteti me popullsinë më të vogël pjesëtare e Kombeve të Bashkuara. Rritja e nivelit të detit për shkak të ngrohjes globale e rrezikon shumë Tuvalun, i cili është vetëm 5 metër mbi nivelin e detit. Mendohet seTuvalu do të përmbytet nëse temperaturat globale rriten dhe 1 gradë. Tani për tani, populli i Tuvalusë emigron në Australi dhe në Zelandën e re. Ka 12 373 banorë.


5.San Marino: Emri zyrtar është “Republika Shumë e Qetë eSan Marinos”. Është një shtet i gjendur në një kodër të vogël të maleve Apenin në Gadishullin Apenin në pjesën jugore të Evropës. Është një nga pesë mikroshtetet e Evropës me një popullsi prej 31 918 banorësh.


6.Lihtenshtejni: Me një shtrirje 160 km² është një nga shtetet më të vogla në botë. Kufijtë janë 76 km të gjatë. Shtrihet në mes Zvicrës dhe Austrisë, ka 35 798 banorë.


7.Ishujt Marshall: Është bashkësia e ishujve të shtrirë në pjesën veriore të Oqeanit paqësor. Në mes viteve 1946 dhe 1958 SHBA kanë realizuar eksperimente të bombave nukleare në ishujtMarshall. Ndërsa në vitin 1954 në afërsi të ishullit është bërë një eksperiment i bombës së hidrogjenit. Fuqia e bombës së hedhur ishte 1000 herë më e madhe se e bombave të hedhura nëHiroshima dhe Nagazaki. Shteti ka një popullsi prej 61.963 banorësh.


8.Saint Kitts dhe Nevis: Federata Saint Kitts dheNevis shkurtimisht është një shtet në zonën e Karaibeve dhe Amerikës Qendrore. Shteti me sipërfaqe 261 km² ka popullsi prej 42 mijë banorë.


9.Sejshellët: Shteti ishull i përbërë nga më shumë se 115 ishuj të vegjël shtrihet në Oqeanin Indian, në lindje të Afrikës dhe në verilindje të Madagaskarit. Ka 80 654 banorë.


10.Malta: Shtrihet në Evropën Jugore, në Mesdhe, dhe është shteti i ishujve në jug të Siçilisë. Përbëhet nga 3 ishuj të mëdhenj dhe 2 të vegjël. Ishulli më i madhMalta ka një sipërfaqe 237 km2, Gozo 68 km² dhe Komino 2 km². Ka 413 000 banorë.

[sabah]

Vatikani



Krijimi i Selisë së Shenjtë daton në periudhën e Krishtërimit të hershëm shumë përpara Vatikanit, i cili u krijua më 11 shkurt të vitit 1929.

Vatikani ka radion dhe stacionet e tij televizive si dhe nje gazetë të përjavshme.

Ai ka pasaportën,simbolin dhe monedhën e vet.

Vatikani ka një sipërfaqe prej 0.44 km2.

Kopshtet e Vatikanit zënë më shumë se gjysmën e sipërfaqes së këtij shteti.

Papa banon në Pallatin Papal, pranë sheshit të Shën Pjetrit.

Vatikanin e vizitojnë mesatarisht 11.000 njerëz në ditë

Një vijë e bardhë mbi asfalt tregon se ku mbaron Roma dhe ku fillon Vatikani.

Tri vende që duhen vizituar

Kapela Sistine

U deshën katër vjet që të mbarohej tavani i pikturuar nga Mikelanxheloja.

Muzeu i Vatikanit

Kjo ndërtesë e madhe përmban më shumë se 14.5 km me galeri arti.

Dhomat e Rafaelit

Apartamentet private të Papës Julius II janë pikturuar nga Rafaeli


Pesë fakte mbi Bazilikën e Shën Pjetrit

Për të ndërtuar këtë kishë të bukur dhe jashtëzakonisht të madhe u deshën 122 vjet (1504-1626).

Ajo mund të mbajë brenda deri në 60.000 besimtarë në të njëjtën kohë.

Gjatësia e navetës së kishës është 218 m.

Kupola e saj e mahnitshme është 138 m e lartë dhe diametri i saj është 42 m.

Për t’u ngjitur deri në majë të kupolës duhet të ngjitësh 491 shkallare (ka edhe ashensor!)

Sheshi i Shën Pjetrit

Është një shesh në formë ovale i riprojektuar gjatë viteve 1656-1667 nga arkitekti Lorenco Bernini nën kujdesin e Papës Aleksandër VII.

Sheshi përmban 140 statuja shenjtorësh

Obelisku egjiptian prej mermeri të kuq në qendër të sheshit u soll në Romë në vitin 37 e.r

Gjatë Mesjetës njerëzit besonin se topi i artë në majë të obeliskut mbante hirin e trupit të Jul Cezarit.

Në vitin 2007 , Vatikani u deklarua shteti i parë në botë që asnjanësoi karbonin (sasia e CO2=0), dhe më 26 nëntor 2008, Salla e Pritjes e Palit VI u mbulua e gjitha me panele diellore.

Garda Zviceriane

Truproja private e Papës e njohur si Garda Zviceriane u themelua më 1505 gjatë drejtimit të Papës Julius II. Rekrutët duhet të jenë meshkuj zvicerianë, katolikë të pamartuar dhe të paktën 1.74 m të gjatë.

ATM-ja (bankomati) e Bankës së Vatikanit i ka udhëzimet në gjuhën latine (përveç gjuhëve të tjera). Latinishtja është gjuha universal e Kishës Katolike.

[sabah]

Monako

Bashkëngjitje 2911

Monakoja është shteti me popullsinë më të dendur në botë , ku në një sipërfaqe prej 1.95 km2 jetojnë 33.000 banorë. Krahasuar me ta, 826 banorët e Vatikanit kanë hapësira më të mëdha ku mund të lëvizin.

[cuni]

Du te them vetem dicka nga eksperienca ime.

Sheshi San Pietro bashke me baziliken ishin madheshtore, vertete nuk arrin te kuptosh se si dora e njeriut mund te ndertoje gjera te tilla......
merak me ngeli qe nuk vizitova Kapela Sistine, po ishte rradha ktu e ne durres.