Meshkujt: Dhuratat e festave, nenat ne vend te pare

[Romina]

Sipas një sondazhi europian, gjashtë veta në dhjetë nuk heqin dorë nga dhurata për prindërit, e sidomos nënën, duke e kaluar gruan apo shoqen në vend të dytë. Nëna mbetet nënë, sidomos në Krishtlindje. Nëse në fakt, gjatë vitit mund të ndodhë që të harrosh ndonjë festë të rëndësishme të saj, për Krishtlindje është rreptësishtë e ndaluar të gabosh: 6 europianë në dhjetë nuk kanë asnjë dyshim se nënat qëndrojnë të parat në listë për sa u përket festave të fundvitit. Sondazhi ka pyetur më shumë se 1500 meshkuj të moshës nga 25 deri në 55 vjeç mbi raportet e tyre me dhuratat e Krishtlindjeve dhe listës se kujt mund t’i përkisnin këto dhurata.

Por cilat janë dhuratat drejt të cilave orientohen ata gjatë fetave? Në vend të parë qëndrojnë objektet për shtëpinë (56%), pas të cilave vijnë veshjet (48%) dhe produktet e reja hi-tech (37%). Por, nëse për sa i përket dhuratave idetë janë të qarta, si mund të shpjegohet prioritetit i nënave në krahasim me të dashurat, të fejuarat apo bashkëshortet? Për shumë meshkuj që në moshën 30-40 vjeç jetojnë ende me familjen, dhurata është çështje jete a vdekjeje. Të paktën kështu mendojnë 61 për qind e tyre.

Për të tjerë (beqarët 35 deri në 50 vjeç që prej kohësh jetojnë vetëm, larg shtëpisë), qëllimi është që t’i bëjnë të lumtura të gjitha gratë e jetës së tyre, përfshi këtu edhe nënën (58%). Pastaj janë edhe ata që presin momentin fundit për të blerë dhuratën për bashkëshorten (41%), por deklarojnë se nuk mund të harrojnë kurrë se një mendim special shkon për të nënën, të konsideruar si “dashuria e parë e jetës së tyre. Në të vërtetë, tradita e dhuratave të fundvitit është shumë e shenjtë, sidomos në Perëndim, ndaj pjesa më e madhe e europianëve thonë se muajt e fundit harxhojnë më pak për të pasur më shumë para e për mos të harruar njerëzit e rëndësishëm të jetës pa i kujtuar përmes dhuratave të vogla, qofshin këto edhe simbolike.

Për shokët e zyrës dhe kushërinjtë e largët, pothuajse asnjë harxhim në këtë fundviti. Por cilat do të jenë llojet e dhuratave më të përhapura? Duke përjashtuar lodrat e fëmijëve për më të vegjlit, të konsideruara të domosdoshme për 7 europianë në dhjetë, objektet për shtëpinë përfaqësojnë dhuratat ku pothuajse të gjithë janë dakord. Në vend të dytë renditen veshjet, që sigurisht duhet të jenë pak të lidhura me temën e Krishtlindjeve, ndërsa të tretat, risitë teknologjike si Iphone, Ipad e kështu me radhë. Edhe librat dhe trajtimet në qendrat e bukurisë janë mes mendimeve të dhuratave të Krishtlindjeve.