O i nderuar !Eja dhe betohu se do te me japesh cfar te dua.

[osman]

Një burrë e donte shumë gruan e tij.Një ditë gruaja e tij, duke i bërë muabet i tha:

“ O i nderuar! Eja dhe betohu se do të më japësh çfarë të dua, përndryshe do të ndahem prej teje.”

Burri i cili e donte shumë gruan e pa se ajo e kishte seriozisht, u detyrua t’i bindet këtij propozimi.

Atëherë gruaja tha:

“ Dua të më sjellësh përpara meje çdo gjë që ka krijuar Allahu i madhërishëm në këtë botë.”

Burri i shkretë nuk mundi t’ia plotësonte këtë dëshirë dhe filloi të mendojë. Së fundi shkoi te Hazreti Mevlana dhe ia tregoi atë që i kishte ndodhur.

Mevlana duke u menduar i thotë:

“ Shko, merr librin e All-llahut, Kur’anin, mbështille me shami dhe jepja gruas tënde, sepse në këtë mënyrë, ti i ke sjellë asaj çdo gjë që ka në këtë botë, sepse në Kur’anin Fisnik, ( në Suren En’am, ajeti 59) thuhet:

“ Nuk ka asgjë që të mos jetë në Kur’an.”

Kështu që nuk ndaheni dhe nuk divorcoheni.Në këtë mënyrë burri nuk u divorcua me gruan që donte.