28 nëntori, AK skuq Prishtinën: Bac do ta kryejm kuq e zi

[Romina]

PRISHTINË- Mijëra aktivistë të Aleancës Kuq e Zi janë derdhur rrugëve të Prishtinës, me rastin e 99-vjetorit të pavarësisë së Shqipërisë.

Aktivistë të aleancës kanë mbuluar me flamurin gjigand kuq e zi 'New Born', memorialin simbolik të pavarësisë së Kosovës. Flamuri kuq e zi, i cili sot ka mbërritur në Kosovë, ka udhëtuar nga Sheshi i Flamurit në Vlorë në shenjë simbolike si urë lidhëse mes shqiptarëve të dy trojeve tona.

Gjatë manifestimeve në rrugët e Prishtinës, aktivistë të aleancës kanë lëshuar parudha të tilla si, "Kosova ka lindur me Shqipërinë. Kosovë-Shqipëri. vellezër jemi një". Sot është përuruar edhe slogani më i ri i Aleancës Kuq e Zi: “Bac do ta kryejmë kuq e zi”, ndërkohë që kanë theksuar se ëndrra e Adem Jasharit do vazhdojë.

Kreu i kësaj aleance, Kreshnik Spahiu gjatë fjalës së tij mes mijëra shqiptarëve, duke uruar festës Prishtinës dhe Shqipërisë nga miliona kuq e zinj, ka deklaruar se “Nuk ka lab apo kosovar, por vetëm shqiptar. Vlora mëmëdheu, Prishtina Atdheu”.
(BalkanWeb)

[sabah]

Aktivistë të Lëvizjes Vetëvendosje, kanë zëvendësuar sot flamurin shtetëror të Kosovës, në hyrje të Prishtinës, me atë kombëtar. Në hyrje të kryeqytetit të Kosovës, afër shkollës së mesme të mjekësisë, nga shpallja e pavarësisë më 17 shkurt të vitit 2008, ishte vendosur një flamur shtetëror me dimensione të mëdha. Por, për nder të Ditës së Pavarësisë së Shqipërisë, Vetëvendosja e zëvendësoi me një kombëtar, po ashtu me dimensione të mëdha.