Një roman që bën dinjitoze dramën e emigrantëve shqiptarë

[Romina]

Një roman i shkruar nga një dorë e vërtetë shkrimtari. Thanas Medi, një shkrimtar me fillesa në vitet tetëdhjetë, ka arritur t’i japë lexuesit një roman të shkruar shumë mirë, që merr temën nga jeta e emigrantëve shqiptarë në Greqi, përplasja me racizmin, integrimi dhe asimilimi i tyre, dhe mbi të gjitha çmimi i lart me të cilin paguajnë përpjekjen për të qenë njerëz normalë
Personazhi kryesor, një emigrant shqiptar nga Jugu, që dashurohet me vajzën e një greku racist, që ka djegur shqiptarë dhe që me dramën e tij bën të bukur dhe dinjitoze fuqinë me të cilën shqiptarët përballojnë problemet e një shoqërie në krizë nga dhjetëra sëmundje prej të cilave është prekur shoqëria greke.
Lexojeni romanin e Thanas Medit “Hija e Mallkuar” dhe s’do të zhgënjeheni./tema/