Kuzhe largohet nga kombëtarja

[sabah]

Josip Kuzhe ka vendosur së bashku me presidentin e FSHF-së, Armando Duka, që të mos jetë më tekniku i përfaqësueses kuqezi.

Lajmin e ka bërë të ditur vetë trajneri kroat, duke u shprehur se “kjo është zgjidhja më e mirë” si për Shqipërinë ashtu edhe për vetë atë.

Tashmë, trajneri i ri që do të zgjidhet nga FSHF-ja do të ketë mundësinë që të shfrytëzojë dy miqësoret e muajit nëntor kundër Azerbajxhanit dhe Maqedonisë për tu njohur me ekipin.

Kuzhe ka drejtuar Shqipërinë në 13 ndeshje zyrtare me një bilanc prej 2 fitoresh, 4 barazimesh dhe 7 humbjesh; dhe në 11 ndeshje miqësore me një bilanc prej 6 fitoresh, 3 barazimesh dhe 2 humbjesh. (gjuhashqipe)