Mundje . Botërori i Veteranëve

[sabah]

28 kombëtare numëron për momentin sekretari i përgjithshëm i mundjes shqiptare, Ndriçim Spahiu, në Botërororin e Veteranëve. Madje sipas tij, Rusia dhe Turqia kanë një delegacion prej 40 vetësh, kurse Irani arrin maksimalen me 49 vetë, që do të thotë se janë pjesëmarrës në të gjitha peshat.
“Mund të konfirmohet edhe ndonjë tjetër rrugës, por, përgjithësisht, bëhen 28 skuadra”, sqaron ai. “Chateau-Linza” dhe Hotel “Mondial”, atje ku gjenden amerikanët, janë dy vendet kryesore të akomodimit të skuadrave pjesëmarrëse. Kurse një pjesë do të qëndrojnë dhe te Hotel “The White Dream” në Sauk.
Janë marrë të gjitha masat, ndërsa Agjencia Kombëtare e Shërbimit të sportit, nëpërmjet punonjësve të saj do të kujdeset për pritjen dhe përcjelljen e këtyre delegacioneve nga Aeroporti “Nënë Tereza” të Rinasit në Hotel e nga Hoteli në Pallatin e Sportit “Asllan Rusi” dhe anasjelltas.
“Ndaj dhe e kam theksuar me të madhe që të gjithë janë të angazhuar për këtë Kampionat Botëror për ta nxjerrë me sukses”, - bën të ditur Spahiu. Sakaq Hotel “Tirana-Internacional” do të jetë vetëm për të dërguarit e Federatës Botërore të Mundjes, që sipas Spahiut bëhen gjithsej 8 anëtarë.
Në këto kushte, kur Botërori i veteranëve zhvillohet nga data 14, deri më 16 tetor, tashmë duket se gjithçka është vetëm për “tapet”. Ndërkaq, Kombëtarja e Shqipërisë në mundjen e lirë për veteranë ende nuk është zyrtare, ndonëse të gjithë kanë bërë përgatitje nëpër klubet e tyre.
Megjithatë, gjithnjë sipas informacionit që jep sekretari i përgjithshëm i mundjes shqiptare, Ndriçim Spahiu, kuqezinjtë e mundjes marrin formë zyrtare vetëm sot pasdite.(albaniansport)

[sabah]

Ka përfunduar Kampionati Botëror i Mundjes së Lirë për Veteranët, ndërsa për Shqipërinë, dita më e mirë ka qenë e treta. Sepse janë shpallur dy kampion bote, pikërisht në Divizionin G, në peshat 63 kg dhe 85 kg.
Pikërisht Zija Kuka dhe Veli Drizi i kanë dhënë më tepër krenari mundjes shqiptare, ashtu sikurse dhe dy medaljet e argjendta, e fundit në Divizionin G nga Mehmet Kacuqi, apo dhe katër medaljet e bronzta.
Në këtë veprimtari të përmasave botërore morën pjesë mbi 300 sportistë dhe mbi 100 trajnerë, gjyqtarë dhe zyrtarë nga 28 vende të botës.
Sportistët pjesëmarrës garuan në 7 divizione moshash, nga mosha 35 vjeç, deri në moshën 70 vjeç dhe për çdo divizion kishte 6 kategori peshash, çka nënkupton se janë dhënë 42 tituj të kampionit të botës për veteranë, domethënë mbi 42 medalje të arta, 42 të bronxta, dhe 84 të bronxta, pasi në mundje jepen dy medalje të bronzta.
Në përfundim të Kampionatit Botëror të Mundjes së Lirë për Veteranët, kampione e botës si ekip është shpallur Rusia, e ndjekur nga Turqia dhe Gjermania, ndërsa Shqipëria ka arritur të marrë medalje 2 ari, 2 argjendi dhe 4 bronzi.
Ajo që duhet theksuar është organizimi i shkëlqyer i këtij Botërori nga Federata Shqiptare e Mundjes, e kryesuar nga Presidenti Martin Biba dhe Sekretari i Përgjithshëm, Ndriçim Spahiu.
Ky Botëror i Mundjes, krahas atij të Vrapimit në Mal, e kanë konfirmuar Shqipërinë në hartën e botës si destinacion të veprimtarive madhore sportive. (alnaniansport.net)

[cuni]

hajtmo te kapim noi gjo me gjyshat.....megjithse ka nji far ngritje mundja jone.