Aleanca Kuqezi, paradë në New York

[Romina]

Një paradë kuqezi është organizuar në qytetin e New York-ut në Shtetet e Bashkuara, e organizuar nga Aleanca Kuqezi dhe disa te rinj shqiptaro-amerikane, anëtarë të organizatës Rrënjet Shqiptare.

Dita e Kolombit, është një të nga të paktat raste publike kur shqiptarët e Amerikës, ashtu si kombet që e themeluan atë, mund të mblidhen së bashku për të festuar dhe për të treguar rrënjët shqiptare.

Protagonisti i paradës shqiptare ishte Kreshnik Spahiu, drejtuesi i Aleancës Kuqezi, i cili bashkë me tre të rinj shqiptaro-amerikanë, të organizatës Rrënjët Shqiptare, bënë të mundur bashkimin e qindra e shqiptarëve në qendër të New York-ut.

Simbolet shqiptare mbizotëruan gjithcka në evenimentin që iu kushtua Camërisë. Disa këngëtarë të njohur shqiptarë ndezën atmosferën në qendër të Manhattan-it Frederik Ndoci, Ciljeta dhe vecanërisht Genta Ismail, e cila zbuloi para shqiptarëve të Amerikës edhe himnin e Aleancës Kuqezi.

"Mesazhin, të cilin duan ta injektojnë në mendjen e shqiptarëve, në mendjen e popullit se Shqipëria nuk bëhet, ne duhet ta kthejmë se Shqipëria bëhet, Shqipëria duhet të bëhet, por duhet të bëhet me ata që mendojnë kuqezi. Një pjesë, Atdheun tonë e skuqi, pjesa tjetër e politikës e nxiu. Ka ardhur koha që Shqipëria, as të mos skuqet, as të mos nxihet, por të jetë kuqezi", tha Spahiu.

Pjesa kulmore e Paradës u shënua me parakalimin e qindra shqiptaro-amerikanëve në 'Bulevardin 5', një nga më të vizituarit prej turistëve në New York.

Për më shumë se tre orë, në qendër të New York-ut, gjithcka shqiptare u prezantua me dinjitet, duke i dëshmuar botës qytetërimin perëndimor të një kombi të vogël, por jo të harruar. Sic thotë Faik Konica: 'Shqiptarët lindin shqiptarë në Shqipëri dhe bëhen patriotë në Amerikë'.

Kjo ishtë një paradë tipike amerikane, paradë e kombeve që ndërtuan një vend të lirë. Kështu janë edhe shqiptarët sot, të lirë, por edhe krenarë, për gjithcka kanë dhënë dhe kanë marrë në Tokën e Premtuar me zgjuarsinë, me talentin dhe me krenarinë e tyre.

[sabah]

Haha ,paska marre pjese edhe Ciljeta ne aktivitetet e Aleances Kuq e Zi.Me siguri ka shkuar pa lejen e Sales.

[cuni]

Shume mire se ceshtja Çame nuk duhet harruar sikurse edhe ceshtjet e tjera qe jane ne interes te kombit shqipetar, po une kam rrezervat e mia per AK, a nuk mendoni dhe ju qe noshta keta abuzojne me ndjenjat e shqipetareve?!
Dhe kete dyshim e bazoj ne faktin se mendja e shqipetarit eshte programuar dhe e specializuar vetem per shejtonlliqe.

Mos ndoshta ndjenja nacionalise e shqipetareve eshte katapulta perfekte e Kreshnikut per tu hedhur ne politike? Normal dhe justifikimn do ta kete gati nga Erion Veliaj.........''vetem ne politike te degjohet zeri'' Brroçulla.

Sepse sesht aspak e vertete kjo, zeri me shume Erionkes i eshte degjuar tek Mjafti, se ne politike nuk e njohu njeri se kush ishte. Po sic duket politika qeka e omel si puna e asaj hallves, po me shum sheqer amo, se ktyne nuk i interesoka qe ti degjohet zoni po i intereso xhepi dhe pushteti.

E vetmja shprese qe kemi eshte qe Kreshniku te mos bi posht, nga Kreshnik ne politikan.

[Romina]

S'kam dyshim qe AK do kthehet parti politike, kjo eshte thjesht çeshtje kohe. Por une shpresoj qe mos te humbasin ndjenjat kombetare. Ne kemi shume nevoje per nje parti nacionaliste qe te na mbroje nga ujqerit qe kemi perqark dhe ideja se AK mund te shnderrohet ne nje parti te tille, mua me teper me gezon se sa me shqeteson. Nuk pres absolutisht qe keta te bejne namin dhe te jene 100% te ndershem, se te flasim realitetin kushdo qe te jete ne ato pozita do mundohet per te pasuruar familjen e vet, por te pakten nuk do te na shesin vendin.

[sabah]

Ndergjegja kombetare e shqiptareve u zgjua tashme.Eshte per tu pershendetur dhe falenderuar nisma e Aleances Kuq e Zi per rivendosjen e krenarise se neperkembur te kombit shqiptar.Me se fundi u duk nje drite ne tunelin e erret te politikes shqiptare,se shqiperia mund te behet nga ata qe ndjehen shqiptare.