Arsenali shkëlqen, Chelsea fiton bindshëm

[sabah]

Tifozët e Arsenalit më në fund patën arsye për gëzim, pasi futbollistët e tyre shënuan fitore kundër Boltonit (3:0), rezultat i cili ka mundur të jetë shumë më i lartë sikur portieri Jusi Jaskelainen të mos e kishte “ditën e tij”. Me të njëjtin rezultat fitoi edhe Çelsi, ndonëse luajti me një lojtar më pak, pasi Fernando Torres mori kartonin e kuq.
Bolton nisi mirë takimin në Londër dhe kushedi se çka do të kishte ndodhur sikur portieri i Arsenalit në minutën e tretë të mos dëbonte topin në korner, pas goditjes së rrezikshme të futbollistëve kundërshtarë.
Që nga ai moment, Arsenali u angazhua më tepër, por Van Persi, Zhervinjo dhe Teo Volkot nuk arritën që në pjesën e parë të thyejnë rezistencën e mysafirëve.
Kjo atyre iu shkoi për dore vetëm në fillim të pjesës së dytë, kur Van Persi solli në epërsi vendësit për 1:0. Pasoi përjashtimi i Viter, pasi që si futbollist i fundit rrëzoi Volkot, gjë e cila lehtësoi punën e Arsenalit në vazhdim.
Të përzgjedhurit e Arsen Venger “dënuan” rivalët edhe me dy gola të tjerë. Së pari, Van Persi mposhti Jaskelainen, duke shënuar golin e 100-të në fanellën e Arsenalit, dhe pastaj Aleks Song tregoi se posedon edhe kualitetin e tij në sulm, duke shënuar edhe golin e tretë për vendësit.
Çelsi pas humbjes nga Mançester Junajted ishte i vendosur që të “dërrmojë” Savnsin dhe ia dolën duke fituar me rezultat 4:1. Fernando Torres shënoi golin e tij të dytë në këtë sezon, pas asistimit të Mate, ndërsa pak minuta më vonë rrjetën e portierit Mihael Vorm e tundi edhe Ramires.
Vendësit në minutën 40 mbetën me një lojtar më pak, për shkak të ndërhyrjes së panevojshme të Torres në mesin e fushës, por kjo nuk i pengoi “blutë” që në vazhdim të takimit serish të demonstrojnë forcën.
Ramires shënoi edhe golin e tij të dytë, pas depërtimit të Bosingva, ndërsa një gol shënoi edhe Didie Drogba në minutën 94. Paraprakisht, në minutën 86 golin e nderit për mysafirët e shënoi Uilliams.
Në një ndeshje të fortë në “Istlends”, futbollistët e Mançester Sitit vetëm në pjesën e dytë të lojës arritën të gjejnë rrugën deri te porta e Evertonit.
Mysafirët shpesh gjatë këtij takimi janë mbrojtur edhe me 11 lojtarë në fushë, por kjo nuk iu mjaftoi atyre të nxjerrin rezultat të mirë, pasi Siti shënoi dy gola, duke arkëtuar tri pikë të vlefshme për kreun tabelës.
Në minutën 68, rezervisti Mario Balotelli solli vendësit në epërsi prej 1:0, pasi më herët ai zëvendësoi Edin Xhekon e pa disponuar, kurse një minutë para përfundimit të takimit Xhejms Milner shënoi edhe golin e dytë, pas asistimit të David Silva.(shqipmedia.com)