Webi social po vret webfaqet?

[Redjan Muzhika]

E gjersa të gjithë po luftojmë për të gjeneruar më shumë trafik drejt ueb faqeve tona, mos u habisni me këtë lajm që thotë se nuk i kemi punët mirë.
Sipas Jim Boulton, përgjegjës për panairin DIgital Archaeology që po mbahet momentalisht në Nju Jork dhe që ka për qëllim të prezantojë historinë e dizajnit të uebit dhe revolucionit të internetit, ne kemi vetëm edhe disa momente të vogla të kohës brenda erës së ueb faqeve.

Boulton ka thënë për ReadWriteWeb: “Në disa vite, nuk do të ketë më diçka të tillë si ueb faqe. Me rritjen e uebit social, tani përvojat online po ndërtohen përreth individit e jo përreth organizatës”.

Graeme McMillan, prej Techland thekson se kjo ndoshta nuk do të thotë zhdukje e tërësishme e ueb faqeve, por megjithatë sipas tij RSS Feed dhe disa forma tjera të përmbledhjes së informatave nënkuptojnë se vizitori nuk duhet të shëtis nëpër ueb faqeve specifike. “Por pa ueb faqe si do të jenë në gjendje njerëzit të zbulojnë gjëra të reja dhe përmbajtje? Sigurisht ne do të kemi gjithnjë një destinacion përveç thithësve të lajmeve, edhe nëse ato bëhen më pak të vizituara” shkruan ai për Techland.

Unë në anën tjetër, shkruaj nëpër ueb faqe dhe jam duke përcjellë këtë industri që disa vite, prandaj mund t’ju them se ueb social është ende larg asaj që po pretendohet nga Boulton, megjithatë mund të thuhet se po ndihmon jashtëzakonisht shumë në përhapjen e lajmit e në rritjen e efikasitetit të lexuesit, por në anën tjetër vizitori po bëhet më pasiv sepse po pret risitë prej rrjeteve sociale apo prej miqve dhe mjeteve tjera, kështu që gjërat janë disi ashtu siç kanë qenë vetëm se më të shtrira dhe më të ndërlidhura mes vete./pcworldalbanian

[guest]

Nuk eshte e vertete... per ata qe duan te mbeten anonime, per ata qe duan te shprehin mendimet lirisht pa patur frike se postimi qe u be do lexohet nga mami edhe babi po ti kesh friends ne facebook

[sabah]

Nuk me duket aspak i besuesem ky lajm.Keto jane krekosje te momentit te disa personave qe i bejne publicitet facebook,twiter apo dicka e tille.Ndonese per momentin ne keto rrjete reklamohet nje pjese e aktiviteteve dhe biznesit, jo te gjithe njerzit e shkences dhe te biznesit jane te prirur qe bashkpunimin shkencor,shkembimin e ideve apo afarizmin ta zhvillojne apo publikojne ne keto webe sociale.