Torte me shtresa

[Rori]

Nevojiten (për 8 persona):

* 12 vezë
* 220 g sheqer
* 100 g miell
* 320 g çokollatë për zierje
* 250 g gjalpë
* lëvorja e një portokalli
* kripë
Përgatitja:

Thyhen 7 veze, dhe të verdhat e vezëve përzihen me sheqer, miksohen, bëhet një masë .Nga të bardhët e vezëve bëhet shkuma e bardhë. Të verdhave të vezëve së pari u shtohet mielli e pastaj shkuma e bardhë.

Me letër për pjekje mbështillen 6 kallëp (me diametër prej 23 cm), dhe masa e bërë gati vihet në këto kallëpe (në lartësi prej 3-4 mm). Piqen për 7-8 minuta në 200 shkallë C.

Vezët e tjera bashkohen me sheqer dhe ziejnë në avull, ndërsa kur uji të vlojë, miksohen 5 minuta. Kësaj mase i shtohen 240 g çokollatë dhe miksohet. Largohet nga zjarri dhe tundet përderisa të ftohet. I shtohet gjalpi i zbutur dhe lëvorja e renduar, miksohet.

Ky krem futet në frigorifer për 5 minuta. Pesë disqet lyhen me masën dhe renditen njëra mbi tjetrën.

Çokollata shkrihet në avull(banjo mari). Kur të ftohet, qitet mbi diskun e fundit dhe futet në frigorifer që të shtrëngohet. Pritet në 8 pjesë dhe në secilën pjesë vihet pak krem-çoko.

Torta lyhet me krem dhe zbukurohet me ''fije'' të lëvores së karamelizuar të portokallit.
p.s. telegrafi.com

[sabah]

Rori ,per kuriozitet te pyes:e ke provuar ndonjehere shijen e kesaj torte?