Si ta mbroni automobilin tuaj?

[sabah]

Një i mençur një herë kishte thënë: “Më mirë të frikësoheni vazhdimisht, sesa të frikësoheni përnjëherë”. Kjo mund të aplikohet kur është në pyetje siguria e automobilit tuaj. Sado që jeni “komod” kur ta keni autoveturën, aq më i madh do të jetë rreziku nëse nuk ndërmerrni masa “të rrepta” që ta mbroni makinën tuaj dhe pajisjet në të. Këshillat që pasojnë definitivisht do të pajtoheni se janë të lidhura direkt me përvojën e shoferit, por këto në radhë të parë janë të dedikuara për shoferet më të rinj.Kujdes!Mbyllni dyert!Një fjalë e urtë e cila mund të aplikohet kur është në diskutim siguria e autoveturës suaj është kjo: “Kurrë mos jeni plotësisht të sigurt”. Në përkthim te kesaj fjale, le të jenë dyert e makinës gjithmonë të mbyllura, sapo të hyni në të, derisa levizni dhe pasi ta parkoni. Pa marrë parasysh se a është i parkuar në garazhe apo ngisni makinën nëpër rrethin e pasigurt, dyert e mbyllura janë hapi i parë për sigurinë e tij.
Siguria e stereo sistemit
Shpesh, hajdutet nuk dëshirojnë automobilin tuaj, por qëllimin e kanë tek ndonjë pjesë e tij apo ajo që gjendet brenda. Një nga vjedhjet e shpeshta është stereo sistemi i ri. Nëse keni vendosur sistemin e shtrenjtë dhe të fuqishëm në veturën tuaj, shënojeni numrin e tij serial që në qoftë se u vidhet më vonë mund t’ju kthehet kur të gjendet. Disa sisteme e kanë maskën e cila mund të hiqet dhe të cilën mund ta merrni me vete kur të parkoni.
Parkoni me kujdes.
Gjithmonë është ide e mirë që të parkoni në pjesën mirë të ndriçuar dhe në të cilat ka shumë këmbësorë. Po ashtu, nëse është e mundshme, mos shkoni të vetëm për ta marrë makinën gjatë natës.
Fshihni gjërat e vlefshme
Lënia e iPod-it tuaj në vendin që shihet si për shembull në sedilje, është njelloj sikur jeni duke e nxitur vjedhjen. Nëse duhet t’i lëni ndonjë nga gjërat tuaja me vlerë, fshihini në kroskot, nën sedilje apo në bagazh.
Mbani llogari për veturën
Askush nuk dëshiron që të mbetet në pjesën e caktuar me rezervuarin e zbrazur apo me akumulatorin e harxhuar. Le të jetë rezervuari juaj gjithmonë së paku deri në ¼ i mbushur. Le t’u bëhet shprehi që rregullisht të kontrolloni nivelin e vajit dhe të bëni kontrollimet tjera apo paguani mekanikun e besueshëm i cili këto do t’i bënte në vendin tuaj. Kontrolloni se kompania juaj e sigurimit a u ofron ndihmë gjatë rrugës.
Vëzhgojeni rrethinën
Kur të shkoni diku me automobil, nëse është e mundur pyesni për mjedisin nëpër të cilin do të kaloni. Ashtu sikur që duhet të mbani llogari për atë se kah po qarkulloni, ashtu duhet të jeni vigjilent edhe për atë se automobili juaj a është i rrezikuar nga vjedhja, dhe nëse jeni të brengosur për këtë, atëherë do të ishte e mençur të investoni dhe blini ndonjë pajisje për parandalimin e vjedhjes.