France, nje shishe vere blihet per 57 mije euro

[sabah]

Një shishe verë e bardhë, nga Jura, e vitit 1774 u shit 57 000 euro, një ankand i fituar nga një blerës zvicerian me një çmim rekord për një verë gjatë edicionit të 15-të të ''Rrugës së verës së bardhë'', organizuar dje dhe sot në Arbois.

Para një salle të mbushur, pas një lufte me një blerës parizian, zvicerani Pierre Chevrier fitoi dje për llogari të një grupi amatorësh franko-belgo-zviceran ankandin me 57 000 euro për këtë shishe vere 237-vjeçare, vënë në shitje për 5 000 euro.
"Tashmë Jura është vendosur përkrah Bordosë dhe Burgonjës që kanë fituar çmimet e mëdha të verërave. Kjo shishe verë e vitit 1774 është një pjesë e vërtetë e trashëgimisë franceze dhe evropiane'', deklaroi blerësi, i cili shprehu dëshirën e tij për të pirë këtë nektar të çmueshëm.
"Më në fund vera e bardhë hyn në oborret e mëdha'', theksoi Bernard Badoz, themeluesi i edicionit ''rruga e verës'' që zhvillohet çdo vit në një qytet të ndryshëm nga Jura, një verë tjetër shumëvjeçare dhe e njohur.
Nga lloji "Burgonjë" me një qafë të gjatë dhe një trup të hollë dhe me një përmbajtje 87 cl, shishja përmban verë të bardhë prodhuar nga vreshtari Anatoile Vercel (1725-1786).
Kjo është nga verërat më të shijuara në vitin 1994 nga 24 profesionistë, në Chateau Pecauld në Arbois, kryeqyteti i verërave Jura.
Nektari i një qelibari të artë me një shije arre, erëzash, kanelle, vanilje dhe frutash të thata ka dhënë rezultate të shkëlqyera.
Ajo është cilësuar si ''vera e mbretërve'' dhe ''mbreti i verërave''.(ikub.al)