Nënshkruhet marrëveshja për heqjen e vizave me Serbinë

[Romina]

TIRANË- Shqipëria dhe Serbia nënshkruan sot marrëveshjen "Mbi lëvizjen e ndërsjellë të shtetasve".
Zyra e shtypit e MPJ-së bëri të ditur se, në ambientet e kësaj ministrie u nënshkrua marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës së Serbisë "Mbi lëvizjen e ndërsjellë të shtetasve". Marrëveshja për heqjen e vizave me Serbinë u nënshkrua për palën shqiptare nga zv.ministri i Jashtëm, Selim Belortaja, ndërsa për palën serbe nga Ambasadori i Republikës së Serbisë në Tiranë, Miroljub Zaric.
Marrëveshja për lëvizjen e lirë është e bazuar mbi parimet e reciprocitetit të plotë midis dy shteteve, vullnetit të mirë e bashkëpunimit të ndërsjellë dhe synon mundësimin e qarkullimit të lirë të qytetarëve nga njëri shtet në tjetrin.
Gjithashtu, marrëveshja parashikon përjashtimin nga viza për hyrjen në territorin e secilës palë për një vizitë ose qëndrim që nuk i kalon 90 ditë brenda 180 ditëve.
Ndërkohë procedura për shtetasit, të cilët dëshirojnë të qëndrojnë për një periudhë më të gjatë kohe në territorin e njërës palë kontraktuese për qëllime studimi, punësimi, ribashkimi familjar, etj, do t’i nënshtrohet kërkesave të legjislacionit të brendshëm të secilit vend.

[sabah]

E ç'na intereson ne shqiptareve heqja e vizave me Sërbinë?Kufiri Sërb është shumë larg,ne nuk kufizohemi askund me ta.Kjo heqje vizash midis Shqipërisë dhe Sërbisë është thjesht një marrveshje pa kurfarë interesi për Shqipërinë dhe shqiptarët do të thoja unë.

[Romina]

Posi, na intereson neve kjo marreveshje, se Shqiperia po i jep bijat djemve te Serbise! Ja keta jemi ne, dhe krenohemi pale per moralin dhe traditat e trasheguara nder breza!