Flamurtari e Vllaznia nisin aventurën në kupat e Europës

[sabah]

Vlonjatet e shkodranet ndeshen respektivisht kundër maltezëve të Birkirkarës dhe malazezët e Buduçnostit për Europa League

Kur nuk kanë kaluar shumë nga mbyllja e sezonit të kalur, për skuadrat shqiptare fillon menjëherë aventura e re, ajo e Kupave të Evropës.Të parët që do të zbresin sot në fushë janë Vllaznia e Flamurtari, të cilët ndeshen respektivisht kundrejt maltezëve të Birkirkarës dhe malazezët e Buduçnostit. Por edhe pse bëhet fjalë për ndeshjet e para që luhen në transfertë, kryefjalë mbetet kualifikimi. Kjo, sepse më shumë sesa prestigji, në lojë janë mijëra euro përfitime Saktësisht flitet për të paktën 180 mijë euro për secilën nga këto dy ekipe protagoniste në fazën eliminatore të Europa League. Fillimisht, 90 mijë euro të ardhura do të vijnë nga UEFA vetëm për pjesëmarrjen, ndërsa kjo shifër do të dyfishohet nëse kalohet në turin tjetër. Kurioz është fakti që sipas asaj që ka caktuar UEFA, nëse një skuadër luan që nga turi i parë eliminator dhe arrin të shkojë deri në fazën e grupeve, atëherë përfiton plot 450 mijë euro. Megjithatë për momentin duket se si vlonjatët, edhe shkodranët kërkojnë të kënaqen me minimumin e mundshëm, përderisa edhe ata vetë janë të vetëdijshëm se s’do të jetë e lehtë të shkohet deri në atë pikë. Fundja këto kundërshtarë të radhës të dyja palët i shohin si më të kalueshëm dhe prandaj para sfidave që luhen sot kanë shprehur optimizmin e tyre se mund t’ia dalin mbanë. Ndonëse përfundimisht, më shumë sesa fjalët, do të jetë fusha ajo që do të “flasë”. Ndërkaq mësohet se vetëm ndeshja e Buduçnost-Flamurtari (sot, ora 21:00) do të jepet në ekranet shqiptare, pikërisht përmes TVSH-së. Ndërsa asnjë kanal nuk ka mundur të blejë të drejtën televizive për ndeshjen e Vllaznisë në Maltë ndaj Birkinkarës (ora 20:30). E vetmja mënyrë për të mësuar mbi ecurinë e ekipit shkodran në 90 minutat e mbrëmjes së sotme është interneti dhe informacionet e pakta që mund të merren live nëpërmjet tij.
Tirana e Skënderbeu
Dy skuadrat e tjera, Tirana e Skënderbeu që përfaqësojnë vendin tonë në arenën e Kupave do të hyjnë në valle gjatë tureve të mëpasshëm. Si korçarët edhe kryeqytetasit marrin pjesë që nga turi i dytë të kompeticioneve europiane, çka do të thotë që do të përfitojnë nga UEFA më shumë sesa Vllaznia e Flamurtari.Kështu, Skënderbeu do të marrë minimalisht 230 mijë euro nga UEFA (130 mijë për pjesëmarrjen dhe 100 mijë për kalimin e turit). Prandaj, nëse eliminohen nga Apoel, bardhekuqtë do përfitojnë shumë nga pjesëmarrja në Champions. Ndërsa Tirana do të përfitojë 180 mijë euro: 90 mijë nga pjesëmarrja në Europa League dhe 90 mijë për kalimin e turit të parë. Por, duke qenë se në bazë të formulës bardheblutë luajnë direkt në turin e dytë, kjo do të thotë që edhe nëse eliminohen në këtë tur, ata marrin të paktën 180 mijë euro nga UEFA.


EUROPA LEAGUE/Raundi i parë paraeliminator
Reykjavik-IF Fuglafjordur
FC Daugava-Tromso
IF Elfsborg-CS Fola Esch
The Neë Saints FC-Cliftonville
FC Honka-Nomme Kalju
Fulham-NSI Runavik
IBV Vestmannaeyjar-St Patricks
BK Hacken-UN 97 Kaerjeng
Aalesund-Neath
Renova-Glentoran
Koper-Shakhter Karaganda
FC Banga-Karabakh Azersun
Paks-UE Santa Coloma
Rabotnicki Kometal-Trans Narva
Rad Belgrade-Tre Penne
Buducnost Podgorica-Flaumurtari
Uliss Yerevan-Ferencvaros
Jagiellonia Bialystok- Irtysh
Minsk -AZAL
Dinamo Tbilisi-FC Milsami
FC Spartak Trnava-Zeta
Varazdin-Lusitanos
Banants Yerevan-Olimpi Rustavi
Birkirkara-Vllaznia Shkoder
Siroki Brijeg-Olimpija Ljubljana
Shënim: Ndeshjet e kthimit më 7 korrik(ikub.al)