Si ta përgatisni automobilin për udhëtim

[sabah]

Para nisjes për udhëtim, shoferëve u rekomandohet që automobilin e tyre ta kontrollojnë deri në imtësi, që t’i parandalojnë avaritë e mundshme të cilat do të mund ta prishin pushimin.
Nëse nuk janë “ekspertë”, pronarët e automobilave këtë punë duhet t’ua lënë atyre që tërë jetën e kanë bërë këtë.
Kujdes me agregatët elektrikë
Para shkuarjes në pushime verore ideale do të ishte që automobilin ta lini disa ditë tek ndonjë servis i njohur për kontroll në detaje. Pasi që ky version është relativisht i shtrenjtë dhe shpesh shmanget,shoferët edhe vetë mund të bëjnë përgatitjen themelore të makinës para shkuarjes në udhëtim. Në muajt e verës, sidomos kur udhëtimet janë të gjata, prishjet më të shpeshta janë në agregatet elektrik dhe pajisjet për ftohje.Këshillohet kontrollimi dhe mbushja eventuale e kutisë me llamba rezervë. Po ashtu, do të ishte mirë që në automobil të jenë dy lloje të rripave, pasi që edhe ata shpesh mund të prishen gjatë rrugës”, pohojnë ekspertët.
Bëni servis, i cili zakonisht bëhet pas 10.000 km rruge.Nuk duhet të rrezikoni dhe këtë duhet ta bëni përpara se matësi i kilometrave ta kalojë shifrën e përmendur. Nëse keni kaluar më shumë se 5.000 kilometra pa ndërrimin e vajit, secili mekanik serioz do t’ju këshillojë që para udhëtimit të ndërrohet komplet vaji në motor.
Kontrolloni gomat dhe alkoolin e frenave. Automekanikët shtojnë se të gjithë rezervuarët për lëngje në automobil të mbushen deri në shenjën e caktuar të cilat e shënojnë maksimumin, por jo edhe ta tejkaloni këtë. Pra, duhet ta mbushni pjesën për vaj në motor dhe ndërrues, të shtoni produkte për ftohjen e motorit, vajin për frenat hidraulik, lëngun në akumulator.
“Është e rekomanduar që në makinë si rezervë të gjendet edhe një litër vaj, po ashtu edhe një litër ujë të distiluar. Kjo vlen jo vetëm për rrugën gjatë shkuarjes me pushime, por edhe për çdo ditë. Kurrë nuk i dihet se kur matësi i temperaturës dhe nga cila arsye e saktë do të kalojë në ‘të kuqen’”, pohojnë automekanikët.
Kushtoni vëmendje bagazhit
Nuk është e parëndësishme si do t’i palosni gjërat në bagazhin e automobilit. Duhet të keni kujdes për baraspeshën e makinës me rastin e vendosjes së gjërave për rrugë, gjërat më të rënda duhet t’i lëni në fund të bagazhit, dhe atë sa më afër mesit të makinës, dhe pastaj të mbushet hapësira e mbetur.
Duhet të llogarisni si renditen valixhet dhe gjërat e tjera, me qëllim të gjetjes më të lehtë dhe të shpejtë të gomës rezervë, nëse ajo gjendet në bagazh.

[deona]

po ne qe skemi makine, si tja bejme? hahaha, shume artikull interesant dhe me vlere

[cuni]

po ne qe skemi makine, si tja bejme? hahaha, shume artikull interesant dhe me vlere

po ti mund ti thuash te dashurit si ta pergatise ai makinen, nqs nuk ke te dashur thuj babit