Durrës, John Lenon me kitarë në një nga stolat e lulishtes

[Romina]

John Lennon, pjestari i grupit të famshëm të Bitëllsave, do të "qëndrojë" i ulur së bashku me kitarën e tij në një nga stolat dekorativë të qytetit të Durrësit.

Skulptori Qazim Kërtusha është autori i monumentit të këngëtarit dhe kompozitorit legjendar të viteve 1960, i cili bashkë me grupin e djemve të Liverpulit, u bënë idhuj jo vetëm në vendet perëndimore, por edhe për rininë në Shqipërinë e izoluar nga diktatura komuniste.

Monumenti i derdhur në bronz me mbështetjen e Bankës Raiffaisen është instaluar këto ditë në një nga stolat dekorativë në lulishten pranë Torrës veneciane të Durrësit.

"John Winston Lennon (9 tetor 1940 - 8 dhjetor 1980) është një nga figurat më të dashura të periudhës së rinisë sonë, pasi i këndoi pikërisht lirisë sonë të munguar", tha për ATSH-në autori i këtij monumenti, i cili shton se ka punuar më shumë se një vit me bocetin e veprës.
Skulptori 58-vjeçar Kërtusha është një nga autorët më të njohur të veprave të parkut në qytetin bregdetar. Shumë pranë monumentit të sapovendosur të këngëtarit britanik ndodhet busti i atdhetarit Dom Nikollë Kaçorri, punuar po prej tij.

Kërtusha është gjithashtu autor i monumentit kushtuar artistëve të Durrësit 3000-vjeçar, instaluar në lulishten e teatrit “Moisiu”. Fatkeqësisht disa prej veprave të parkut të punuara prej tij edhe në bashkëpunim me artistë të tjerë janë prishur gjatë zbatimit të projekteve të rikonstruksionit në hyrje të qytetit.

[cuni]

shume shume bukur, bravo skuplptorit, dhe vendi eshte shume vend i bukur aty, me pamje nga porti...

[sabah]

Meqe John Lennon duket sikur po flen gjume ,kam frike se skulpturen do ta vjedhin dhe do ta shesin per skrap.Lol!

[cuni]

Po ai ashtu si ne gjume ka qene gjith jetes se vet me thon te verteten.

O Sabah po te ishte ne Vlor kjo skulptura do te shkonte shume aty ne Skele me noi lulishte

[sabah]

Ndoshta...por Qazim Kertusha u tregua me i shpejte ne Durres.

[Romina]

Vidhen syzet e statujës së Xhon Lenonit

Persona ende të paidentifikuar kanë shkulur nga statuja prej bronzi e ikonës së grupit të famshëm 'Bitëlls" syzet, për t'i shitur më pas për qëllime përfitimi në treg.

Gazetari i Gazeta Shqiptare raporton se nuk është vetëm kjo vepër arti e dëmtuar. Në qytetin bregdetar janë vjedhur dhe pllakat e sheshit "Demokracia", i cili përfaqëson në vetvete një vepër arti, ndërsa të tjerë keqbërës kanë shkruar mbi muret e kalasë apo nëpër kolonat antike.
Objektet të dëmtuar nga grumbulles skrapi kanë rënë edhe busti i kryebashkiakut të parë të Durrësit, Ali Podgorica. Atij i janë shkulur pothuajse të gërmat prej bronzi, të cilat ishin vendosur në pjesën e piedestalit.
(BalkanWeb)

[cuni]

Avash avash, kan per ti mor kitarren, pastaj bluzen, nga Xhon do katandiset ne lyps...

[sabah]

Po pse mo nuk e ben prej allcie monumentin e Xhonit te shkrete.Materiali prej bronxi koston dhe pikat e skrapit paguajne kesh .Keshtu si ka nisur kjo pune, historia e monumentit ka per te shkuar ne dosjet e objekteve te vjedhura.

[Romina]

Kemi lajm te mire nga Durresi:

Durrës, pesë palë syze për John Lennon

Monumenti i John Lenonit, që u vendos një muaj më parë në Durrës, do të ketë pesë palë syze rezervë, dhuratë e një pasionanti të muzikës.

Autori i veprës, Qazim Kërtusha, tha se dy javë më parë persona të panjohur i "shkulën" syzet origjinale të veprës së derdhur në bronx, e cila është instaluar në një nga lulishtet pranë Torrës veneciane. “Menjëherë pas kësaj mjaft qytetarë, që shprehën indinjatën për veprimin negativ, kërkuan të ndihmojnë në zgjidhjen e menjëhershme të situates”,- tha Kërtusha.

“Njëri prej tyre, me profesion axhustator, drejtues i një biznesi të vogël, më solli pesë palë syze, sipas skicës që ndërtuam së bashku”,- vijon më tej Qazim Kërtusha, i njohur si autor i skulpturave të parkut në Durrës.

Një palë prej tyre është salduar tashmë mbi hundën e Lennonit, njërit prej djemve të grupit të Liverpulit, që me muzikën e tyre në vitet 1960-1970 ushqyen ndjesinë e lirisë edhe në vendet e izoluara komuniste.

Skulptori Qazim Kërtusha falenderon qytetarët për mbështetjen dhe gjen rast të apelojë në organet e pushtetit qendror dhe vendor për më shumë vëmendje e kujdes ndaj monumenteve të trashëgimisë kulturore dhe veprave të reja që janë vendosur në parqet e qytetit.

[cuni]

me mire ti kishin vene nje pal lente, se prap kan per ti vjedh