Leonardo: Jemi skuadra më e fortë në botë

[Bruno]

Trajneri zikaltër i është kundërpërgjigjur kritikave pas humbjes në Torino kundër Juventusit!

I zymtë në fytyrë, i gatshëm për t’iu kundërpërgjigjur kritikave dhe një siguri e madhe: duket Mourinjo, është Leonardo. Në prag të ndeshjes Fiorentina-Inter, takimi i shtyrë në javën e 17-të të fazës së parë për shkak të impenjimit të zikaltërve në Botërorin për klube, tekniku ka sulmuar dhe nuk është kursyer:
“Një javë më parë flitej për një Inter të madh që dhuronte spektakël, tani është një skuadër në vështirësi. Unë kam idenë time për futbollin, nuk merrem me këto gjëra. Dua të shikoj një futboll të bukur, dua që Interi të luajë mirë.
Interi është skuadra më e mirë e botës, nuk duhet ta harroni, nuk ka asgjë për t’u shqetësuar: pas Barcelonës jemi skuadra që luajmë më mirë, unë mendoj për një futboll sulmues, jemi kampionët e botës dhe kjo nuk duhet harruar”. Më pas Leonardo ka mbrojtur Etonë: “Duhet guxim të kritikohet një si Eto.
Ai ka bërë 27 gola, mund të ndodhë një goditje e gabuar, por të flitet për një problem ky nuk ekziston, ai është në formë shumë të mirë dhe është një lojtar ekspert, nuk ka se si të demoralizohet për një gjë të tillë. Më duket se edhe në lidhje me këtë kërkohet të sulmohet Interi, pothuajse sikur të pritej me padurim që të humbisnim një ndeshje”, ka thënë Leonardo.
“Shumë herë ekzagjerohet, kërkoj më shumë koherencë. Unë mbroj skuadrën, nëse flitet për mua ndryshon pak. Nëse flitet për këtë ekip me termat që kam lexuar unë zemërohem, nuk është normale të flitet për një çështje Milito ose një problem Eto, nuk mund ta pranoj.
Nuk kam ndërmend të fsheh problemet që kemi në transfertë, kemi pasur vështirësi edhe kundër Palermos, por duhet të shikoni edhe shifrat. Unë do të isha gati të pranojë dy humbje të tjera në 9 ndeshjet e ardhshme, do të doja të shikoja se në çfarë pozicioni do të ishim ne dhe ku do të ishin skuadrat e tjera.
Idea ime për futbollin është ajo që të synohet gjithmonë fitorja, por me një lojë të bukur”. Leonardo ka shprehur idenë e tij dhe kërkon që skuadra të përdorë cilësitë që ka për ta vënë praktikë. “Në fushën tonë ose në transfertë luajnë gjithmonë 11 lojtarë kundër 11 të skuadrës tjetër, gjithmonë në të njëjtën fushë, nuk ka asnjë ndikim ndaj një skuadre kaq të fortë dhe me eksperiencë.
Ne duhet të kërkojmë vetëm të luajmë dhe të ndëshkojmë kundërshtarin dhe cilësitë për këtë nuk na mungojnë”. Leonardo ka folur edhe për Fiorentinën: “Për sa i takon ekipit vjollcë, ne përballemi me skuadrat gjithmonë në momentet e tyre më të mira, është fati i skuadrave të mëdha.
Morati ka thënë se beson akoma te titulli? Eshtë normale, por unë nuk arrij të merrem me llogari të tilla. Asnjë skuadër tani nuk mund të thotë: “kemi fituar”". Në lidhje me formacionin. “Do të rekuperojmë lojtarë të rëndësishëm (Stankoviç). Ndoshta mund mos të luajnë për 90 minuta, por është edhe Mota i skualifikuar”.
Në fund Leonardo ka komentuar e dhe lamtumirën e “Fenomenit” nga futbolli. “E kam ndjekur konferencën e tij për shtyp. Për mua do të mbetet një prej lojtarëve më të mëdhenj të historisë”, ka thënë trajneri i Interit!

[cuni]

ia tregoi Tottenhami ne San Siro se sa te forte jane!