Shtypi spanjoll “kryqëzon” Mourinjon!

[Bruno]

Të përditshmet sportive katalanase dhe madrilene kanë kritikuar zgjedhjet e portugezit
Këshilla që është publikuar në faqen e parë të së përditshmes sportive spanjolle “Marca” ka shprehur mendimin e madrilenëve: “Duhet te mendojmë për kupat”. Humbja në Pamplonë e ka lënë Realin e Mou së në 7 nga Barcelona: vitin e kaluar Reali me Pelegrinin nuk kishte shkuar kurrë nën 5 dhe kurrë në historinë e tij Reali nuk e ka fituar kampionatin, duke rekuperuar nga një disavantazh prej 7 pikësh.
PEP NE TEATER - Gazetat spanjolle, siç parashikohej, janë ndarë midis euforisë katalanase dhe lotëve madrilenë. Në mes është vendosur Mou, i kritikuar në veçanti për disa zgjedhje të tijat dhe në përgjithësi për faktin se nuk ka ditur të thyejë monopolin e Barçës.
Me Pep Guardiolën që ka bërë figurën e heroit, duke çuar fëmijët të shohin “Xheronimo Stilton” në teatër ndërsa Reali luan për të qëndruar në garën për të fituar kampionatin kundër Osasunës. Si të thuash: nuk është e nevojshme as të bëhet tifozllëk kundër.
TITUJT - Ta fillojmë nga Barcelona, ku edhe “Periodico”, e përditshme politike, ka zgjedhur titullin “Mouribundos” (”Në agoni”) për të hapur faqet sportive. “Fundosje, 7 pikë larg” (Sport) dhe “Nok Aut nga Liga” (Mundo Deportivo) kanë qenë titujt e gazetave sportive, të shoqëruara me imazhet e dëshpërimit të Benzemasë dhe të Ronaldos, CR7 (emri dhe numri i fanellës) është bërë në mënyrë ironike CR 7.
Sport, që nuk e hap me Barcelonën vetëm në raste të veçanta i ka dedikuar 7 faqet e para humbjes së Realit: për katalanasit ka qenë me të vërtet një ditë speciale.
“FABIO” MOU - Në Madrid “Marca” ka kritikuar hapur Mourinjon: “Mangësitë në mesin e fushës dhe zëvendësimet shumë të diskutuara të portugezit i kanë kushtuar ekipit humbjen”, ka shkruar e përditshmja spanjolle. Dhe pas katër vitesh është rishfaqur një refren i vjetër.
Fabio Kapelo edhe pse ka fituar kampionatin është kryqëzuar për aktivizimin e dy mesfushorëve shkatërrues Emerson Mamadu Diarra, Mou dje është goditur në të njëjtën mënyrë për faktin se ka aktivizuar Khediran dhe Las Diarra.
“Me Las dhe Khedira humbet një kampionat”, ka qenë titulli i “Mundo”, “Khedira dhe Las nuk luajnë dhe ata përpara nuk shënojnë”, ka qenë analiza teknike e “Marca”, “Me Fabio Mourinjon, Madridi nuk ka lojë”, ka shkruar “Periodico”.

Krujf: Reali është akoma në lojë
Reali i Madridit nuk mund të konsiderohet jashtë luftës për titull, ka bërë të ditur ish trajneri i Barcelonës, Johan Krujf. Kështu, legjenda e katalanasve ka paralajmëruar Barçën që të mos e konsiderojë jashtë luftës për titull Realin pavarësisht se humbja e tyre ndaj Osasunës i ka çuar shtatë pikë larg.
Goli i Havier Kamunas në pjesën e dytë mund t’i ketë siguruar Barcelonës fitoren e tretë radhazi ne kampionat. Por Krujf nuk e mendon kështu: “Kampionati nuk është vendosur. Shtatë pikë, plus golavarazhi i Barcelonës, janë shumë sepse ne nuk po bëjmë asnjë gabim.
Por nuk duhet të mendojmë se Reali është jashtë luftës për titull”. Krujf gjithashtu ka komentuar fitoret e njëpasnjëshme të katalansve në kampionat, që kanë arritur në 15 pas asaj me Herkulesin të shtunën, duke thënë: “Për sa kohë mund të vazhdojë kështu? Varet nga Reali, nëse ata qëndrojnë afër Barça është në gjendje të mos humbasë asnjë ndeshje nga ky moment deri sa të shpallen kampionë”.

Kristiano Ronaldo: Nuk duhet të dorëzohemi
Lojtari i Realit të Madridit, Kristiano Ronaldo, ka bërë të ditur se skuadra duhet të ruajë optimizmin pavarësisht humbjes së befasishme kundër Osasunës në Pamplona. Portugezi nuk ka arritur të shpëtojë Realin nga humbja, një rezultat që e ka lejuar Barcelonën të krijojë një avantazh prej 7 pikësh në kryesim.
Në përfundim të ndeshjes Ronaldo ka thënë: “Ne kemi luftuar kundër një skuadre që ka bërë pjesën e saj. Ata bënë një goditje në portë dhe kanë shënuar një gol, ne kemi provuar gjithçka gjatë ndeshjes por fatkeqësisht nuk fituam. Duhet të jemi optimistë, është e vështirë, por duhet ta bëjmë këtë.
Futbolli varet nga rezultatet. Nëse do të kishim fituar do të kishim folur për gjëra të tjera”. Ronaldo gjithashtu ka shtuar se nuk i ka pëlqyer aspak atmosfera e krijuar në stadiumin “Reino de Navarra”: “Ishte si një betejë. Ajo atmosferë nuk ishte e mirë për ndeshjen si dhe për fëmijët që u pëlqen futbolli. Ky qëndrim duhet të ndëshkohet”, ka thënë Ronaldo!

[cuni]

Mendoj se Murinjo ka per ta kaluar me sukses edhe kete mini krize qe po kalon skuadra e tij