Interi merr Nagatomon, Santon hua te Çezena

[Bruno]

Mbrojtësi japonez vishet zikaltër, ndërsa mbrojtësi huazohet te ekipi i Fikadentit. Napoli merr Maskaran!

Interi flet edhe japonisht. Vjen te zikaltrit nga Çezena me formulën e huazimit mbrojtësi Juto Nagatomo, 25 vjeç, kampioni i sapo shpallur i Kupës së Azisë. Klubit romanjol, me të njëjtën formulë, i shkon Davide Santon. Nagatomo erdhi në Itali korrikun e shkuar me formulën e huazimit për një vit me të drejtë blerjeje nga klubi i futbollit Tokio.
Pasdite u duk se do të kishte probleme mbi transferimin, por gjithçka u zgjidh. “I gjithë Interi i uron mirëseardhjen Nagatomosm një nga përfaqësuesit më të rëndësishëm të futbollit japonez, - lexohej në adresën zyrtare zikaltër.
Një fat të madh edhe për Santonin në skuadrën e tij të re të paktën për gjashtë muaj”. Për sa u takon operacioneve në të tjera në dalje, mbrojtësi kolumbian Nelson Rivas do të shkojë në formë huazimi te Dnjipro Dnjipropetrovsk. Është zyrtare ndërkohë shitja hua me të drejtë blerjeje e Sulei Muntarit te Sanderlendi.
Por Interi punon edhe për të ardhmen. Adresa zyrtare e Fejënrdit, ka njoftuar kalimin në zikaltër të sulmuesit holandez Luk Kastainjos, 21 vjeç. Dita e fundit e merkatos në Itali ka rezervuar edhe një surprizë tjetër, por jo për skuadrën e Leonardos. Këtë herë është Napoli që ka zyrtarizuar blerjen e Maskaras nga Katania për 1.2 milionë euro!