Meklaren: Dortmundi do të fitojë titullin!

[Bruno]

Trajneri i Volfsburgut lavdëron, por Klop pret sigurinë matematike të titullit kampion
Trajneri i Volfsburgut, Stiv Meklaren, ka etiketuar Borusian e Dortmundit si kampionë të Bundesligës, menjëherë pasi ekipi i tij u mund 3-0 nga kryesuesit. Dortmundi ka ende një rrugë të gjatë për të përshkuar, por Meklaren është i bindur se ata do të shpallen kampionë për sezonin 2010-11, pasi kanë qenë vetë dëshmitarë në ndeshjen e luajtur në “VË-Arena”.
“Dje, ne luajtëm ndaj kampionëve të ardhshëm,” tha ai. “E kam thënë këtë edhe në gjysmën e parë të sezonit gjithashtu.” Megjithatë, trajneri i Dortmundit, Jurgen Klop, nuk i ka pranuar ende urimet.
Ekipi i tij mund të jetë 11 pikë larg ndjekësit më të afërt në klasifikim, por ka akoma edhe 14 ndeshje për t’u luajtur, dhe pavarësisht se ata po luajnë si kampionë, Klop do të presë deri sa të sigurohet matematikisht titulli, përpara se të nisë të festojë.
“E respektoj shumë Meklarenin dhe sigurisht që preferoj të dëgjoj të tilla lavdërime, që për të personalisht mund të konsiderohen si gjepura,” tha Klop. “Por nëse zoti Meklaren thotë që ne do të jemi kampionët e Gjermanisë, atëherë kjo nuk është se na e shton më shumë pëlqimin për ta realizuar.
Klop u tregua më tepër i kënaqur me mënyrën sesi lojtarët e tij arritën të kundërpërgjigjeshin pas atij barazimi zhgënjyes 1-1 ndaj Shtutgartit, javën e kaluar. “Jam krenar për ta,” tha ai. “Djemtë e mi ishin përgatitur për të kërkuar maksimumin, përgjatë 90 minutave.”
Menaxheri i përgjithshëm i Leverkusenit kërkon nga portieri refuzimin e Mançester Junajtid
Fëler shpreson tek rinovimi i Adlerit
Menaxheri i përgjithshëm i Bajer Leverkusen, Rudi Fëler, shprehet në mënyrë optimiste në lidhje me reagimin e portierit Rene Adler, nga i cili pret refuzimin për t’u transferuar tek Mançester Junajtid dhe nënshkrimin e kontratës së re.
Është mësuar se portieri i kombëtares së Gjermanisë, ka një klauzolë në kontratën e tij aktuale që përfundon në vitin 2012, sipas së cilës lojtari mund të largohet vetëm për 17 milionë stërlina, në rast se Junajtid do të synojnë transferimin e tij.
“Djajtë e kuq” nga “Old Trafford” janë në kërkim të një trajneri të ri, teksa Van der Sar ka njoftuar zyrtarisht tërheqjen nga futbolli në verën e ardhshme, ndaj dhe Adler është piketuar si një pasardhës i denjë.
25-vjeçari, së bashku me bashkëpatriotin e tij Manuel Nojer, holandezin Marten Stekelenburg dhe portierin e Lionit, Hugo Loris, mendohet se janë të gjithë pjesë e listës së trajnerit të Mançesterit, Sër Aleks Ferguson. Por Rudi Fëler tha për “Sport 1″:
“Rene Adler ka qenë një fans i Mançester Junajtid që në fëmijëri dhe aktualisht ka një klauzolë në kontratë, sipas të cilës mund të largohet vetëm në rast të interesimit të “djajve të kuq”.
Kjo klauzolë përfshin shumën prej 17 milionë stërlinash. Ne synojmë ta mbajmë atë në klub dhe besoj se jemi në bisedime pozitive deri më tani, pasi duam që ai të rinovojë edhe për shumë sezone”.

[cuni]

po ia lejm i vit me qef titullin Dortmundit, pastaj edhe e meritojne cunat e Klopit.

Forca Bayern