Marjeli bëhet xheloz për Mirjetën (Big Brother Albania 4)

[Bruno]

Edhe pse duket se e ka marrë me shumë ngè afrimin e tij me Mirjetën, duket se edhe Marjeli nuk mund t’i shpëtojë ndjenjës së xhelozisë. Dy ditë më parë, ai i ka shprehur Mirjetës bezdinë që ndien kur Mirjetës i afrohet Petriti dhe sidomos, kur ky i fundit e prek teksa bisedon me të ose kur e fton për të kërcyer. Mirjeta habitet jo pak nga kjo bezdi e Marjelit, po të kemi parasysh se ishte ajo që i shprehu simpatinë atij, madje nuk ngurroi t’i futej edhe në krevat, ndërkohë që mori mbrapsht një qëndrim disi indiferent nga Marjeli.

Por mesa duket tani që Mirjeta vendosi të respektojë vendimin e tij, që gjithçka sipas tij do t’i lihej kohës dhe të krijojë pak distancë, vetë Marjeli nuk po ia lë gjërat kohës por po kërkon që t’i përshpejtojë ato. Mirjeta është shprehur se po të ishte jashtë shtëpisë së “Big Brother”, mund ta kishte evituar dikë që nuk e pëlqen, por në shtëpi duhen respektuar të gjithë. Të shohim nëse Marjeli do të nxitet nga xhelozia për të bërë ndonjë hap më shumë drejt Mirjetës, e cila me siguri po e pret krahëhapur!