Alma, në dilemë për të fejuarin Italian (Big Brother 4 Albania)

[Bruno]

Ne e rrëfyem jetën e saj në Itali, javën e kaluar, si parajsa që i kishte munguar në Shqipëri, si një vend që i mundësoi qetësinë shpirtërore, por edhe dashurinë. Alma, vajza 29 vjeçare nga Shkodra, ka dy vite e fejuar me një italian dhe nga fotot e publikuara duket se zgjedhja është e pëlqyeshme, po të kemi parasysh që jo pak vajza shqiptare janë martuar kryesisht me burra të huaj në moshë të madhe. Ndërkohë që i fejuari i Almës është i ri, por edhe simpatik. Mirëpo, kjo është thjesht një dukje sipërfaqësore, pasi mbarëvajtja e jetës së çiftit mund të konfirmohet veç prej prej tyre. Dihet që pjesëmarrja në “Big Brother”, krahas specifikave të tjera të mënyrës së të jetuarit në izolim dhe në prani të kamerave, të krijon një tjetër mundësi, të reflektosh për jetën që ke lënë jashtë asaj porte, ku secili konkurrent hedh hapin e parë ,duke lënë një botë, e duke u futur në një tjetër. Këto momente reflektimi i ka pasur edhe Alma mbas tri javësh qëndrim brenda shtëpisë. Ajo i ka konfiduar Ogrenit tri ditë më parë, se ka menduar gjatë për jetën e saj, për lidhjen që ka dhe në mënyrë të beftë gjithçka po i duket shumë e zbehtë. Ajo i rrëfen gjithashtu se po mendohet gjatë për zgjedhjen që ka bërë dhe mund ta rishikojë atë. Nuk e ka bërë deri tani, pasi që kur e ka njohur të fejuarin e saj, nuk ka ndenjur asnjëherë më shumë se dy ditë larg tij, kështu që e ka pasur të pamundur të reflektojë për zgjedhjen. Gjithashtu, ajo rrëfen se i fejuari është shumë xheloz dhe pavarësisht se ajo përpiqet të jetë korrekte në marrdhënie me meshkujt në shtëpi, çdo xhest i saj me djemtë, sado shoqëror që të jetë, prej tij do të interpretohet keq. Kjo vjen edhe për shkak se ai nuk e kupton gjuhën, kështu që mund të bjerë kollaj pre e keqkuptimit. Të shohim se gjatë do të reflektojë Alma dhe mbi të gjitha çfarë do vendosë ajo për lidhjen esaj!