Aurela Gace fiton Festivalin, "Kenga ime" shkon në Eurovizion

[Romina]

TIRANE-Këngëtarja Aurela Gaçe është fituesja e çmimit të parë në edicionit të 49-të të Festivalit të Këngës në RTSH, kënga e së cilës do të përfaqësojë Shqipërinë në festivalin e këngës “Eurovizion”.

Kënga me titul “Kënga ime”, është shkruar nga Sokol Marsi, ndërsa kompozimi dhe orkestrimi është realizuar nga Shpëtim Saraçi.

Gaçe pas tërheqjes së çmimit u shpreh se edhe pse kishte hequr dorë nga festivalet, falenderoi kompozitorin Saraçi që i ofroi këngën dhe i dha këtë mundësi, shkruan atsh.

Çmimin e dytë të festivalit e mori dueti i Alban Skënderaj dhe Miriam Camit me këngën “Ende ka shpresë” shkruar dhe kompozuar nga vetë ata.

Ndërsa çmimi i tretë i festivalit i shkoi këngëtarit Saimir Braho me këngën “Shtegëtar i jetës sime”, tekstin e së cilës e ka shkruar vetë ai, ndërkohë që kënga është kompozuar nga Endri Sina.

Ne mbrëmjen e djeshme te nates se tretë te Festivalit të Këngës në RTSH konkuruan 18 këngë dhe interpretuan këngëtarë si: Françesk Radi me “Kemi dasëm’o”, Dorian Nini me “Mirësevini në Shqipëri”, Marsida Saraçi me “Vetëm s’jemi në botë”, Dorina Garuci “Mirëmbrëma ëngjëlli im”, Kamela Islamaj me “Jetova për ty”, Selami Kolonja me “Ëndërr Kosovare” etj.

Në natën e parë dhe të dytë të festivalit u prezantuan nga 19 këngë, 3 prej të cilave në çdo natë ishin nga kompeticioni i të rinjve, nga të cilët vetëm dy prej tyre shkuan në natën finale.

Ky edicion i 49-të u drejtuar nga këngëtarja Jonida Maliqi, këngëtari operistik Josif Gjipali dhe aktorja Mirela Naska.
Drejtor artistik i festivali ishte kompozitori Edmond Zhulali, regjisor Bojken Lako, skenografia ishte realizuar nga Bashkim Zahaj pjesë e së cilës ishte edhe Orkestra Simfonike e RTSH-së, e cila shoqëronte këngëtarët që interpretuan live.

Aurela Gaçe është këngëtarja e 8-të që shkon në Festivalin e Këngës “Eurovizion” pas Anjeza Shahinit, Ledina Çelo, Luis Ejlli, Frederik Ndoci, Olta Bokës, Kejsi Tolës dhe Juliana Pashës.

(s.g/BalkanWeb)

[Romina]

[Eloidette]

Me pelqen shume Videoklipi dhe pse nuk zuri vend kjo kenge, do mbetet e MREKULLLUESHME
si gjithmone ZeRi i saj , ZeRi Vlores percjelle emocione .
Une e ndjeja kengen dhe e gjeje me shume kuptim dhe Videoklipin .

[cuni]

ty te pelqen zeri aureles apo i vlores?

[Eloidette]

i Aureles por ate e quajne ZeRi i Vlores
http://www.youtube.com/watch?v=EKLJ6CriitY
shife kete : Zeri i saj ne ate fragment me mallengjen !!!