Kosova voton të dielën, në garë 29 parti politike

[sabah]

PRISHTINE- Kosova mban të dielën zgjedhjet e saj të para parlamentare që pas shpalljes së pavarësisë në vitin 2008, votime që shikohen nga perëndimi si një test për pjekurinë e demokracisë dhe gatshmërinë e vendit për bisedime me Serbinë. Këto zgjedhje zhvillohen pas prishjes së koalicionit që udhëhoqi Kosovën drejt shkëputjes nga Serbia, pas dorëheqjes së presidentit Fatmir Sejdiu dhe misionit të Bashkimit Europian, i cili kishte vënë nën shënjestër disa ministra nën akuzat për korrupsion.

“Dy partitë më të mëdha politike, blloku i PDK-së dhe LDK-së duket se janë shumë afër me njëra-tjetrën për sa i përket mbështetjes që gëzojnë në populatë dhe vetëm një numër i vogël votash do të jenë ato që do të bëjnë diferencën shprehet Marko Prelec, përfaqësues i grupt ndërkombëtar të krizave në Kosovë. Ky shtet i ri, i njohur nga fuqitë kryesore perëndimore, po ende jo anëtar i OKB-së, duhet të demonstrojë se funksionon si demokraci muktietnike, që është e aftë t’i japë jetë ekonomisë dhe që nuk ka më nevojë të varet plotësisht nga ndihma ndërkombëtare. Sondazhet tregojnë se asnjë nga 29 partitë pjesëmarrëse në garë nuk do të arrijnë të marrin shumicën e votave për të mundësuar formimin e qeverisë, që sipas analistëve lokalë do të duhet të tregojë pjekuri politike për tu përballur me Serbinë në bisedime dhe për një anëtarësim eventual në Bashkimin Europian.
Partia demokratike e Kosovës, e Hashim Thaçit parashikohet të marrë vetëm pak më tepër se 30 përqind të votave, i ndjekur nga Lidhja Demokratike e Kosovës e Isa Mustafës. Duke përjashtuar pjesën veriore të dominuar nga serbët, Thaci ka vitizuat cdo qytet të rëndësishëm të Kosovës duke premtuar rritje rrogash, ndërtim autostradash dhe negocim për heqjen e vizave me Bashkimin Europian dhe Shtetet e Bashkuara të Amerikës. Megjithatë ai nuk ka dhënë detaje se si do t’i përmbushë premtimet e tij në një prej vendeve më të vogla dhe më të varfra të Europës.

Serbia nuk e ka njohur pavarësinë e Kosovës, por kohet e fundit ka rënë dakord që të bisedojë me të për cëshjtet praktike si tregtia, dokumentet e udhëtimit, hapësirën ajrore dhe kufijtë.

Sipas KQZ, nga 120 deputetë, 100 prej tyre do të zgjidhen në mënyrë direkte, ndërsa 20 të tjerët janë në dispozicion të komuniteti serb dhe pakicave të tjera. Numri i vëzhguesve të akredituar nga KQZ është 32.021, prej të cilëve 26.059 nga partitë, 493 nga organizatat ndërkombëtare, 531 nga ambasadat dhe 5108 nga OJQ-të.
(BalkanWeb)

[Rori]

shkojme edhe ne forumistat formojme parti, jane qe jane 29 me ne bashke 30 , nje me shumè e nje me pak keq nuk i ben askujt