Edicioni i dytë i Kupës së Pavarësisë

[sabah]

Tashmë është bërë traditë që në qytetin e Vlorës, ku 98 vjet më parë është shpallur Pavarësia e Shqipërisë, të zhvillohet kupa që i dedikohet kësaj date të shënuar. Edicioni i dytë i Kupës së Pavarësisë do të zhvillohet sërish në qytetin e Vlorës. Në këtë aktivitet marrin pjesë katër skuadra:

1. Besa e Kavajës (fituese e Kupës së Shqipërisë)
2. Iliria e Prizrenit (fituese e Kupës së Kosovës)
3. Renova (Maqedoni)
4. Otrant (Mali i Zi)

Ndeshja e parë e këtij aktiviteti fillon të dielën, më 28 nëntor, në orën 12:00. Kohëzgjatja e një ndeshjeje do të jetë 45 minuta.
Sipas sistemit të shortit me 4 skuadra, ndeshjet e para do të zhvillohen si më poshtë:

1. Besa-Renova
2. Iliria-Otrant
Ekipet fituese të çifteve 1 dhe 2 do të luajnë në ndeshjen finale, që përcakton ekipin fitues të Kupës së Pavarësisë 2010. Në rast barazimi të ndeshjeve, nuk do të ketë kohë shtesë, por do të ekzekutohen goditjet e 11 metërshave për të përcaktuar ekipin fitues. Fituesit të finales do t’i dorëzohet “Kupa e Pavarësisë 2010″. Do të ketë edhe trofe të tjerë si më poshtë:

- Ekipi “Fair Play”
- Lojtari më i mirë
- Golashënuesi më i mirë

[cuni]

shume interesante! sherben per bashkimin e shqipetareve kudo qe ndodhen.

nje urim per organizatoret!

[sabah]

Janë zhvilluar gjithsej tre takime nga 45 minuta. Përballja e parë ishte ajo mes Besës së vendit tonë dhe Renovës së Maqedonisë. Pas përfundimit të 45 minutave të lojës me rezultatin e barabartë 0-0, gjithçka është vendosur nga gjuajtjet e 11-metërshave, që nxorrën fituese skuadrën e Tetovës me rezultatin 5-4.

Ndeshja e dytë ishte ajo mes Otrantos së Malit të Zi dhe Lirisës së Kosovës, takim që u mbyll gjithashtu pa gola, por që nxorri finaliste skuadrën e Otrantos nga Ulqini pas gjuajtjes së 11-metërshave.

Ndryshe nga edicioni i shkuar në këtë finale nuk kishte asnjë skuadër shqiptare, por u luajt mes Otrantos dhe Renovës. Skuadra maqedonase arriti të zhbllokojë rezultatin brenda 45 minutave me një supergol nga distanca, duke fituar gjithashtu Kupën Pavarësia në këtë edicion të dytë.

Trofeun e parë të këtij aktiviteti vitin e shkuar e fitoi skuadra e Flamurtarit. Tashmë Kupa Pavarësia është kthyer në një traditë dhe vitin e ardhshëm do të zhvillohet edicioni i tretë sërish me 4 skuadrat fituese të Kupave të Shqipërisë, Kosovës, Maqedonisë dhe Malit të Zi.