Elvana Gjata me kenge te re ne tetor

[Bruno]

Kengetarja Elvana Gjata, qe cilesohet si një nga këngëtaret më të mira në tregun shqiptar, nuk ka te ndalur sa u perket realizimeve te reja muzikore.

Sukseset e fundit janë dy këngë mjaft interesante të kthyera shpejt në hite. Ne nje interviste te fundit, Elvana ka folur rreth mënyrës se si ato janë pritur tek publiku:

“A ke ti zemër” dhe “Mamani nejen” janë dy këngë mendoj aq sa të njëjta edhe të ndryshme.

“A ke ti zemër” doli në fund të korrikut, doli pak vonë për verën, por ama e kapi verën në kohë rekord, më mirë se aq nuk bëhet. Ka pasur sukses shumë të madh sidomos në Kosovë, edhe në Shqipëri gjithashtu është pëlqyer shumë.

Më pas erdhi “Mamani nejen”, më duhet të bëj një përkthim të vogël këtu se më kanë pyetur shumë fansa në dialektin tonë do të thotë “Ma mbani mbrëmjen”, digjeni mbrëmjen sa më shumë të mundeni. Kjo këngë është realizuar në dialektin kosovar për arsye se tekstin e ka bërë një rreper kosovar, i njëjti që këndon me mua, Fugaa, kështu që vendosi ai për titullin e këngës''.

Elvana ka folur edhe per një këngë shumë te gjatë, ku do të ishin 2 këngë brenda, publikimi i se ciles ishte paralajmeruar me heret, por duket te kene dal disa probleme gjatë rrugës:

"Kërkonte më shumë kohë seç ne menduam, absolutisht që projekti vazhdon duke u punuar, xhirimet janë mbyllur, tashmë do të kaloj në produksionin “Entermedia” për t’u rishikuar edhe njëherë dhe besoj që do të jetë gati, në fillim të tetorit mendoj që do të jetë në transmetim", ka treguar kengetarja!