Rumani – Shqipëri 1-1, barazim pas 52 vjetesh

[Bruno]

Rumani – Shqipëri 1-1
Shënues: Stançu 80’ , Muzaka 87'

E premte, 3 shtator 2010, 20:00
Stadiumi “Ceahlaul”, Piatra Neamt, Rumani

Rumania: Lobont, Kontra (56’ Mureshan), Rat, Tamash, Radoi, Torje, Deac, Marica, Floresku, Koshiç, Nikulae (64’ Stançu). Trajner Razvan Luçesku

Në bankinë: Pantilimon, Nesu, Maftei, Herea, Bilashko

Shqipëria: Beqaj, Lila, Vangjeli, Dallku, Cana, Curri, Agolli, Bulku, Duro (81' Muzaka), Skela (78' Lika), Bogdani (56’ Salihi). Trajner Josip Kuzhe.

Në bankinë: Hidi, Vrapi, Teli, Hyka


Shqipëria: Beqaj, Lila, Vangjeli, Dallku, Cana, Curri, Agolli, Bulku, Duro, Skela, Bogdani (56’ Salihi). Trajner Josip Kuzhe.
Në bankinë: Hidi, Vrapi, Teli, Lika, Muzaka, Hyka

Trajneri Kuzhe – si gjithmonë me shallin e tifozëve kuqezinj, në qafë, e mban qysh nga ndeshja kundër Malit të Zi -rreshtoi një Shqipëri me karakter të theksuar mbrojtës, madje me gjashtë, nëse dhe Lorik Canën dhe Debatik Currin, do ta konsideronim të tillë, ndërkohë që Bogdani (ashtu edhe siç pritej, ishte i vetmi në sulm, i mbështetur nga kapiteni Ervin Skela dhe Klodian Duro.

Një start, që prodhoi qysh në minutën e parë një rrezik të jashtëzakonshëm për portën tonë, kur rumunin Ciprian Marica nga shumë afër goditi shtyllën e djathtë pingule të portës së mbrojtur nga Arjan Beqaj.

Vetëm Zoti e shpëtoi Shqipërinë nga një gol shumë i shpejtë.

Momenti i dytë i vështirë për portën tonë erdhi në minutën e 12-të, kur Beqaj priti në dy kohë (por pa rrezikuar), një gjuajtje nga jashtë zonës të Mirel Radoit.

Goditja e parë e Shqipërisë drejt portës rumune të mbrojtur nga Lobont u fiksua në minutën e 14-të, kur Ansi Agolli lëshoi nga larg një silurë, por jashtë kuadratit.

Shqipëria e barazpeshoi lojën në njëzet minutat e para, duke u rreshtuar mirë në mesfushë, dhe përveç rastit të minutës së parë, Rumania nuk pati ndonjë rast të artë për të shënuar (përveç fitimit të disa goditjeve nga këndi).

Në minutën e 24-t, një pasiguri e mbrojtjes sonë i dha mundësi mesfushori të Shalke 04, Ciprian Deac të shenjestronte portën tonë me një gjuajtje brenda zonës, por Beqaj, në gatishmëri, e devijoi topin në goditje kendi.

Rumania e rriti forcën goditëse, duke provuar gjuajtjet nga distanca, por Beqaj, sërish e devijoi topin në goditjen e pestë nga kendi për vendasit.

Dhjetë minutat e fundit të pjesës së parë, sollën edhe disa përpjekje të Shqipërisë drejt portës rumune, edhe pse pa ndonjë shqetësim serioz të kundërshtarit.

Një pjesë e parë 0-0 e administruar nga Rumania, por e përballuar me qetësi nga Shqipëria, kjo falë dhe rreshtimit të ideuar nga trajneri Kuzhe dhe disiplinës së taktike së lojtarëve, veçanërisht në gjysmëfushën tonë.

Pjesa e dytë – Nisi pa asnjë ndryshim për të dyja skuadrat.

Në minutën e 53-të, Ciprian Marica shënoi për Rumaninë, por gjyqtari austriak Shërgenhofer e anuloi golin për pozicion jashtëloje. Sa për kujtesë anësori ishte shqiptaro-austriaku Alain Hoxha.

Dy trajnerët ishin mesa duket në një mendje për zëvendësimet, pasi si Razvan Luçesku ashtu dhe Josip Kuzhe i bënë ndërrimet në n në të njëjtën minutë, 56’.

Mureshan zëvendësoi veteranin Kontra dhe Salihi hyri në vend të veteranit Erjon Bogdani.

Në të 64’, Luçesku i pakënaqur nga forma e të tijve, realizoi zëvendësimin e dytë, duke hedhur në fushë Stançu në vend të Nikuale.

Në të 64’, Ansi Agolli u shndërrua në shpëtimtarin e madh të Shqipërisë kur hoqi një top që dukej se do të kalonte vijën e portës, madje i vështruar nga afër nga Marika. Një rast i madh goli për Rumaninë, por i shpërdoruar keq.

Ansi Agolli në vijën fundore të sulmit tonë harkoi brenda zonës për Hamdi Salihin dhe sulmuesi shqiptar rrezikoi seriozisht portën rumune në minutën e 73-të. Rasti i pare i Shqiperise per gol.

Në minutën e 80-të Rumania prodhoi golin e shumëpritur. Goditje nga këndi të ekzekutuar nga Deac, topi mbërriti në zonë dhe aty zëvendësuesi Bogdan Stançu i Steausë së Bukureshtit gjunjëzoi nga afër Arjan Beqajn. 1-0 për Rumaninë.

Kuzhe luajti kartën e tij të fundit, Gjergji Muzaka në vend të Klodian Duros.

Në të minutën e 87-të, Ansi Agolli realizoi një goditje të lirë nga rreth 30 metra, sfera mbërrin në zonën rumune, dhe aty Gjergji Muzaka me një kërcim madhështor mposhti tre mbrojtës të Rumanisë, përfshirë dhe portierin Lobont. 1-1. E jashtëzakonshme!

Vetëm tri minuta më pas, Salihi ndërrmori një inkursion drejt zonës rumune, bomberi shkodran gjuajti rreptësisht, Lobont nuk e zotëroi topin dhe aty në dyluftim me Lilën e ardhur nga thellësia fitoi goditjen e lirë që shpëtoi Rumaninë nga goli i dytë.

Ndeshjet e tjera

Grupi A – Turqia fitoi 3-0 në transfertë kundër Kazakistanit. Arda Turan (24'), Hamit Altıntop (26') dhe Nihat Kahveci (76') ishin autorët e fitores së formacionit të drejtuar nga Fatih Terim.

Grupi B – Irlanda triumfoi 1-0 në transfertën me Armeninë me golin e realizuar nga Fahej në minutën e 76-të. Po në këtë grup, Rusia fitoi 2-0 në Andorra. Probegnjiak ishte dhe protagonisti i këtij takimi me dy golat e tij (14’ dhe 64’, 11-m).

GRUPI C – Serbia regjistroi një fitore komode në Ishujt Faroe. Lazoviç (14’), Stankoviç (18’) dhe Zhigiç (91’) ishin autorët e golave.

Grupi E – Moldavia e nisi me një fitore të bujshme 2-0 ndaj Finlandës, me dy gola të realizuar brenda pesë minutash: Suvorov 69' dhe Dorosh 74’. Shefki Kuqi qëndroi në stol për Finlandën!

[guest]

sa kam bertitur per golin !

[cuni]

pastaj u hidherove, mendove per ato 5 humbjet qe do vine rresht!?