Itali, arratisje spektakolare- dy shqiptarë dalin me çarçafë nga burgu

[Romina]

Një arratisje spektakolare është cilësuar nga mediat italiane, ajo e dy të burgosurve shqiptarë, të cilët vuanin dënimin në burgun e Pizas në Itali.

Bëhet fjalë për Roland Dedjan, 26-vjeç dhe Bledar Shehun, 27-vjeç, të gjendur në burg nën akuzat e vrasjes dhe vjedhjes, të cilët kanë mundur të largohen duke u varur në çarçafë nga dritaret e burgut dhe ndërsa kanë dalë në rrugë, i kanë rrëmbyer makinën tip Cherokee një gruaje duke fluturuar me shpejtësi.
Mësohet se deri tani, hetimet e policisë italiane rreth vendndodhjes së tyre të re, nuk kanë pasur sukses dhe se makina e vjedhur e gruas, nuk është gjetur ende.
Por thuhet se patrullat policore kanë mbushur çdo rrugë të qytetit dhe madje çdo supermarket, pikë karburanti etj., duke aluduar se dy të burgosurit, ndoshta nuk kanë të holla me vete dhe mund të bëjnë krime të tjera në kërkim të parave të gatshme.
"Prej kohësh, i kemi denoncuar dobësitë serioze që paraqet burgu i Pizas, por askush nuk ka treguar kujdes, duke e paguar këtë me çmimin e disa arrative kohët e fundit”, është shprehur Donato Capece, sekretari i sindikatës së policisë së burgut.
Sipas tij, sistemi i alarmit në muret e qarkut të burgut të Pizas nuk është duke punuar, dhe mungesa e personelit të mjaftueshëm të burgut, nuk i lejon aktivitetet e mbikëqyrjes përgjatë mureve të tij. /NOA/

[sabah]

Mediat italiane duke iu referuar policisë shkruajnë se dy shqiptarët ishin arratisur mesditën e dates 26 korrik 2010, duke kaluar muret e burgut me ndihmën e çarçafëve të bërë si litar ndërsa alarmi që sinjalizon tentativat e arratisjes nuk funksiononte prej kohësh. Dy të arratisurit, të identifikuar si Bledar Shehu, 27 vjec dhe Roland Dedja, 26 vjec ende nuk kishin marrë dënimin përfundim. Njëri nga shqiptarët ishte në burg për vjedhje ndërsa tjetri për vrasje.