Garfilld, spajdermeni i ri

[sabah]

Pas disa muajsh audicionesh dhe thashethemesh, “Columbia Pictures”, më në fund ka përzgjedhë aktorin që do të interpretojë në pjesën tjetër të filmit, “Spajdermen”. Bëhet fjalë për Andre Garfilld, 27 vjeçarin londinez, pak i njohur për publikun e gjerë. Por e kemi parë në “Parnasus”, djali i cili e mashtron djallin të Teri Uilliamit.

Këtë herë Garfilld do të zëvendësojë Tobi Mekguajer dhe ky rol do të jetë një vazhdim i suksesshëm në karrierën e tij kinematografike. Shtëpia e prodhimit, “Columbia Pictures”, ka vendosur të lërë mënjanë drejtorinë Sam Raimi dhe planet e tij për një episod të katërt të sagës dhe të rinisë ekskluzivisht nga e para: protagonistë të rinj, origjinë të re, regji të re dhe ide të reja në lidhje me zhvillimin e ngjarjeve në film.

“Pavarësisht se emri i tij mund të tingëllojë i panjohur, ata që e njohin punën e këtij aktori të ri, e dinë që do të sjellë shumë të papritura të suksesshme”,- ka thënë për Garfilldin, regjisori Mark Veber. Ai më tej ka shtuar se aktori i ri ka një kombinim të theksuar të inteligjencës dhe sharmit. Andre Garfilld është përzgjedhur midis aktorëve si Jamie Bell, Aaron Johnson, Anton Yelchin, Logan Lerman etj.(Botasot)