Holande-Sllovaki 2-1

[sabah]

Kombëtarja e Holandës ka shënuar edhe fitoren e katërt në Kampionatin botëror, Afrika e Jugut 2010. Tulipanët në kuadër të ndeshjes së tetës së finales kanë ngadhënjyer ndaj Sllovakisë me rezultat 2:1 dhe kualifikohen në çerekfinale. Gjatë tërë kohës, holandezët e kanë kontrolluar lojën duke i lënë mundësi Sllovakisë që vetëm me anë të kundërsulmeve të bëjnë më shumë. Megjithatë, edhe rastet e sllovakëve nuk munguan, të cilët që në minutën e dytë kërcënuan portierin, Stekelenburg, pas goditjes së Jendrisek. Në minutën e 11-të edhe holandezët provojnë të gjejnë në befasi portierin sllovak, kur Sneijder goditi nga distanca. Nuk kaloi më shumë se shtatë minuta dhe kapitulloi portieri sllovak, Mucha. Rooben nga rreth 20 metra gjuajti saktë në këndin e djathtë të ultë të portës rivale, 1:0. Ai së pari u shërbye nga mesfushori Sneijder, i cili pasi rrëmbeu topin në fazën e mbrojtjes me të parën asistoi për këmbëshpejtin Robben, i cili goditi saktë. Më pas, të portokalltit vazhduan me mbajtjen e topit por pa shënuar ndonjë rast konkret. Lojë e njëjtë vazhdoi edhe pas pushimit të gjysmëlojës, ndërkohë që Van Persi ishte ai që hodhi një gjuajte të fuqishme nga goditja e lirë. Më pas brenda dy minutave sllovakët patën dy raste të mira shënimi, por portieri holandez reagoi për mrekulli duke ndalur gjuajtjet e Stoch e më pas edhe të Vittek. Në minutën e 84, Holanda dyfishoi rezultatin, së pari Kuyt kaloi portierin rival më pas shërbeu mirë Sneijderin, që pikërisht nga pika e penalltisë tundi rrjetën e sllovakëve, 2:0. Në minutën e fundit shtesë, Vittek ngushto epërsinë e holandezëve pasi realizoi nga pika e bardhë, pasi që më parë u ndal në mënyrë të palejuar nga portieri Stekelenburg.