Statistikat, bien të ardhurat nga turizmi

[Romina]

Hyrjet valutore nga shërbimet e udhëtimit në periudhën janar-mars të këtij viti u ulën me 50 milionë euro ose me 23.8 për qind në krahasim me të njëjtën periudhë të vitit 2009, bëhet e ditur nga statistikat e Llogarisë Korrente të publikuara dje nga Banka e Shqipërisë.

Hyrjet nga shërbimet e udhëtimit në vend qenë 161 milionë euro për periudhën janar-mars të këtij viti nga 212 milionë euro në periudhën janar-mars 2009.

Në të njëjtën kohë, shqiptarët duket se shpenzuan 177 milionë euro në udhëtime jashtë vendit ose 45 milionë euro më pak se një vit më parë.

Në sektorin e shërbimeve të udhëtimeve, vendi ynë pësoi një deficit prej 15 milionë eurosh.

Deficiti është i zakonshëm për këtë periudhë të vitit.

Rënia e madhe në të ardhura duket se lidhet veçanërisht me udhëtimet zyrtare, të cilat vitin e kaluar ishin shumë më të mëdha se këtë vit, për shkak të zyrtarëve apo gazetarëve të huaj që erdhën në vendin tonë për monitorimin e fushatës së zgjedhjeve parlamentare.

Sipas të dhënave të BSH, Shqipëria pati 1.3 miliardë euro të ardhura dhe 1.13 miliardë euro shpenzime nga shërbimet e udhëtimit vitin e kaluar.

Të ardhurat u rritën me 10 për qind kundrejt vitit 2008, ndërsa shpenzimet u rritën me 6.7 për qind./tch/

[sabah]

Tani megjithmend po ndjehen efektet e krizes boterore ne shqiperi.Pavaresisht se shqiperia ka qene ne krize per gjithe kohen ,tani doli e verteta se shqiperia mbahej gjalle fale pareve qe dergonin emigrantet.E per cfare turizmi diskutohet ketu tek ne.Turizmi ne shqiperi mund te sillte te ardhura te konsiderueshme nese do te menaxhohej ashtu sikunder ne vendet fqinje.Mungesa e infrastruktures se nevojshme,cmimet e larta perkundrejt sherbimeve te ofruara e bejne turizmin shqiptar te pakendshem jo vetem per turistet e huaj por edhe per ata vendas.Eshte per te ardhur keq qe paraja del nga shqiperia dhe futet ne xhepat e pronareve te hoteleve ne Mal te Zi,turqi etj. per arsyet e permendura me siper.