Çmimin e energjisë e rrit Ruli dhe Berisha

[Hot_Babe]

Ka rreth dy muaj që media e shkruar dhe ajo vizive po tenton të zhbirojë labirinthin procedurial për rritjen e çmimit të
energjisë elektrike. Media por edhe grup konsumatorët e energjisë elektrike duhet ta kenë të qartë se vendimi për rritjen e çmimit të energjisë elektrike për vitin 2010 dhe më tej është marrë. Rritja e çmimit është votuar në Kuvendin e Shqipërisë në maj të vitit 2009 (pa prezencën e opozitës), nën trysninë e qeverisë për të miratuar pa zë dhe pa kundërshtime Marrëveshjen e Shitjes së Operatorit të Sistemit të Shpërndarjes(OSSH). Ajo marrëveshje u negociua e u lidh nën një konspiracion shembullor, siç është bërë praktike në Kuvendin e Shqipërisë për marrëveshje të rëndësishme, dhe miratimi në parlament është bërë pa disa anekse të rëndësishme të saj, ku ndër ta është angazhimi i qeverisë për rritjen e çmimit të energjisë elektrike së bashku me formulën dhe kriteret e llogaritjes.
Pra me ligj të posaçëm qeveria Berisha me propozim të ministrit Ruli, ndëshkoi paradhënie shqiptarët duke iu rritur çmimin e energjisë elektrike. Por qeveria u tregua e kujdesshme, që për të zbatuar pa probleme këtë ligj, të nxirrte nga skema institucionet që mund dhe duhet të merreshin me negocimin e çmimit të energjisë elektrike si Enti Rregullator i Energjisë, të cilit i ka marrë miratimin/firmën në avancë për kriteret llogaritëse dhe formulën e llogaritjes që do të përdoret gjatë kalkulimeve dhe negocimeve për rritjen e çmimit të energjisë elektrike për vitin 2010.
Në këto kushte çdolloj diskutimi dhe cilido institucion apo titullar institucioni është një farsë që zhvillohet për t’iu hedhur hi syve shqiptarëve dhe jo vetëm kaq. Kjo farsë zhvillohet për të nxjerrë në pah kujdesin e qeverise për “të mbrojtur konsumatorët”, sepse vetë qeveria tani do t’i bëjë thirrje ERE-s që të bëjë kujdes për të mbrojtur konsumatorët. Pra qeveria i ndëshkoi paradhënie konsumatorët dhe tani kërkon të fshihet pas ERE-e si institucion gjoja i pavarur, por që në fakt është jashtë loje sepse çmimi i energjisë elektrike për vitin 2010 e në vijim është rritur me ligj të miratuar në parlament në tremujorin e dytë 2009. Por deri tani qeveria ia ka arritur të shmangë qëndrimin e opinionit publik nga vetja dhe t’i drejtojë shigjetat tek ERE, institucion ky që po hedh një valle për llogari të qeverisë, duke humbur tërësisht pavarësinë dhe integritetin e vet. Përpara se të ushtrohen të ashtuquajturat procedura për të diskutuar mbi rritjen e çmimit të energjisë elektrike dhe të bëhen publike:
-Neni përkatës i Marrëveshjes “Për Shitjen e OSSH”, që bën pjesë të ligjit edhe formulën dhe kriteret e llogaritjes së çmimit të energjisë elektrike pasi të jetë shitur OSSH.
-Teksti i Memorandumit ku shprehen formulat dhe kriteret për rritjen e çmimit të energjisë elektrike pas shitjes së OSSH-së, të firmosur edhe nga vetë ERE.
-Neni përkatës i Marrëveshjes “Për Shitjen e OSSH”, që bën pjesë të ligjit Marrëveshjen midis qeverise dhe Bankës Botërore, ku janë vendosur kushte për qeverinë shqiptare për të siguruar suksesin e biznesit të kompanisë private që blen OSSH edhe nëpërmjet rritjes së pandërprerë të çmimit të energjisë elektrike.
-Teksti i plotë e Marrëveshjes se lartpërmendur, ku besoj se dalin të qarta kushtet e pranuara nga qeveria.
-Marrëveshjen e kredisë që ka marrë qeveria shqiptare, kredi kjo që është vendosur si garanci bankare nëse qeveria jonë nuk do t’iu përmbahet kushteve, edhe pse faturën për këto kushte e paguajnë shqiptarët dhe jo qeveria!....
Bërja publike e këtyre dokumenteve do të ndihmojë shumë për të rritur transparencën në këtë proces procedurash e diskutimesh që gjoja po zhvillohen. Është mirë që konsumatorët të dinë kush fshihet e çfarë fshihet në këtë rritje drastike të çmimit të energjisë elektrike jo vetëm për një vit, por edhe më gjatë...
Qeveria nuk ka pse të përdorë ERE-n si ombrellë, por t’i dalë përballë asaj që ka gatuar e vendosur vetë me ndërgjegje të plotë kur shiti OSSH-në. Është shumë e rëndë dhe e pamoralshme që shqiptarët të mashtrohen e tallen dy herë, një herë kur u vendos rritja e çmimit të energjisë elektrike në marrëveshjen e shitjes së OSSH-së dhe për të dytën herë tani, kur gjoja po ushtrohen procedurat përmes institucioneve kukulla të qeverisë.

[sabah]

Thuhet se ne rrjet humbet 33%, rrjeti eshte i vjeter edhe eshte normale por jo kaq shume humbje.
Ne 1998 Sali Berisha u bente thirrje anetareve te vet te mos paguanin energjine elektrike. Me vjen keq per ata qe se mbajne mend por, ose flinin gjume ne erresire edhe u tregonte gjyshja peralle qe me 6 mbasdite (ose me pulat sic themi ne populli i thjeshte) ose per ata qe skane jetuar ndonjehere ne shqiperine Hoxha-Berisha.
Para 1998 Shkodra heroike nuk paguante asnjehere (ne te tjeret duhet te paguanim ).
Mos flasim per Tropojen heroike qe nuk paguante asnjehere edhe nuk kishte nderprerje dritash.
Nderkohe qe kishte qytete te vogla ne shqiperine e mesme edhe te jugut qe paguanin gjithmone.
Ne periudhen 1997-2005 lindi profesioni i faturistit te KESH, personi qe te rregullonte faturen, qe caktohej nga deputeti edhe qe notonte ne leke. Pas 2005 profesioni vazhdoi te lulezoje vecse u nderrua ngjyra e tesres.
ERE (Enti Rregullator i Energjise) i vetmi autoritet konkurence qe cakton cmimin e energjise ne shqiperi vendosi te ule kufirin e shpenzimit te energjise minimale nga 300KW/muaj ne 210KW/muaj. Kjo nen justifikimin se kaq harxhon nje familje e varfer. Ne shqiperi shume te pasur nuk ka dhe aq (ndoshta Klan & co, Fahriu, Argita, Shkelzeni & co, Taci,...) une e di qe 300KW qe shkojne rreth 3000 leke (te reja) nuk jane shume per nje shtepi normale nje nga nje drite ne guzhine, nje ne korridor dhe nje ne banje (ato ne dhome apo dhoma nuk para perdoren), nje TV nje frigorifer edhe nje lavatrice qe e perdorim me kursim nga dritat.Perfundimisht do te thosha se rritja e cmimit te energjise elektrike behet per te mbuluar vjedhjet e energjise elektrike nga nje pjese e popullates qe abuzon ne saj te perkrahjes qe ka nga politika dhe kjo per pasoje rendon vetem tek xhepat e pjeses qytetare qe rrespekton ligjin.Keto veprime nxjerrin zbuluar abuzimet e qeveritareve te cilet shperdorojne pushtetin duke trajtuar popullsine ca te nenes dhe ca te njerkes.

[sabah]

Beqja: Qeveria përgjegjëse për rritjen e energjisë




Tiranë – Partia Socialiste vlerësoi sot se qeveria është përgjegjëse për rritjen e çmimit të energjisë për konsumatorët.
“Të tre operatorët që mundësojnë furnizimin me energji elektrike për shqiptarët, janë vënë në garë kush do të rrisë më shumë çmimin e energjisë. Rritja e kërkuar nga të tre së bashku është më e madhe se 50 % e çmimit aktual”, theksoi deputeti i zgjedhur, Ilir Beqja.

Sipas tij, përveç shtrenjtimit të çmimit të energjisë, familjarët do të paguajnë një shtesë fikse 1 mijë lekë në muaj, ndërsa bizneset do të paguajnë një shtesë 20 mijë lekë në muaj.

“Qeveria shqiptare është bashkëpërgjegjëse direkt në rritjen e çmimit të energjisë sepse është pronare e kompanisë së prodhimit - KESH dhe e kompanisë së transmetimit – OST. Shtrenjtimi i çmimit të energjisë për familjarët do të rëndojë buxhetet e tyre mujore. Për 2/3 e familjeve në ndihmë ekonomike, invalidët dhe pensionistët buxheti i shtetit 2010 nuk afron asnjë qindarkë për përballimin e rritjes së çmimit të energjisë”, tha më tej ai.

Beqja pohoi se me shtrejtimin e çmimit të energjisë do të rritet kostoja e prodhimit për bizneset.