shqiperia vend tranzit droge

[cuni]

Në raportin e “Europolit” sa i takon krimit të organizuar dhe rrezikshmërisë së tij, vlerësimi i përgjithshëm është se ky krim po përdor të gjitha metodat më të sofistikuara, deri edhe në ndërhyrjet në ligj për të lehtësuar veprimtarinë e tij. Në këtë raport, për vitin 2009, Shqipëria përmendet si vend transit dhe grupet etnike shqiptare përmenden si ndërlidhës dhe shpërndarës të drogave dhe trafiqeve të ndryshme. “Po rritet rëndësia e portit të Konstancës sa i takon trafikut të kokainës, dhe kjo gjithnjë e në rritje po vjen në Europë përmes Turqisë apo nga vendet e Ballkanit. “Kjo, si pasojë e përfshirjes gjithnjë e më shumë të turqve dhe të grupeve etnike shqiptare në zinxhirin e shpërndarjes së kokainës”, - relaton raporti i “Europolit”. Më tej vihet në dukje se, grupet shqiptare të krimit të organizuar përpiqen të shfrytëzojnë viktima të trafikuara nga grupet e tjera. Ndërsa theksohet se është stabilizuar trafiku i grave, është rritur ai për njerëz që bëjnë punë të detyruara, kryesisht në ndërtim, në prodhimin e drogave dhe si lypjes. Edhe për trafikun e heroinës, një droge më të shtrenjtë, përmenden lidhjet e turqve me grupet etnike shqiptare. Sipas raportit, shpërndarja e drogave në rajonin e Europës Juglindore është ende në duart e grupeve shqiptarëve, “me Shqipërinë që shërben si qendër para-grumbullimi dhe transporti për shpërndarjen e heroinës në Bashkimin Europian”.