Bika: “Dua seriozitet në debat!”

[Bruno]

09/03/09 17:58

Republika vendos si temë dite “Aborti” duke thënë që është një problem që shqetëson shumë opinionin Shqiptar dhe thotë:-“dua seriozitet në debat!”. Ajo i kërkon banorëve të shprehin mendimin që kanë për këtë temë pa thënë nëse janë pro apo kundër. Aida është e mendimit që ekzistojnë dy anë në lidhje me abordin. Sipas saj abort do të thotë të vritet një krijesë por nga ana tjetër duhen kuptuar ato raste kur femra është shumë e vogël, dhe nuk ka mundësi për t`a mbajtur një fëmijë. Adelajda shrehet se për herë të parë ajo ka të njëjtin mendim me Aidën. Bika kërkon mendimin e Qetsorit ne lidhje me temën e debatit. Ai thotë që është kundër tij dhe replikon me Mesidën në lidhje me rastet kur një femër mbetet shtatëzanë pas një përdhunimi. Lirita është e mendimit që është familja ajo që duhet ta këshilloj fëmijën e saj, duke qënë dhe një mbështetje për të. Ajo shprehet kundër abortit për arsye se lë pasoja më mbrapa. Qetësori thekson idenë e tij që është kundër. Aida i thotë:-“Jam shume e sigurt për këtë djali im i dashur!” Atij nuk i pëlqen mënyra se si ajo i drejtohet dhe i thotë:-“Unë nuk jam as djali jot,as i dashuri jot. Me mua shprehu mirë!” Bjordi thotë që nuk i pëlqen shumë si debat por që i bashkohet mendimeve që janë shprehur nga të tjerët. Dritani shprehet se nuk i paragjykon personat që vendosin të abortojnë por ai është kundër pasi një femër mund të mbetet sterile. Adi thotë:-“Unë jam pro abortit kur është për një arsye madhore, dhe jam kundër kur është për luks!” Të gjithë banorët bashkohen me këtë ide!