Poezi per Gerdecin

[Royal]

Arben Duka

Gerdeci
Thonë ata që venë
Thonë ata që vinë:
"E kini hallall
Shqipo, qeverinë!..."

E kini hallall
Medet e medet
Se ajo u mbron
Se ajo u vret!...

E kini hallall
Nuk duhet e dytë
Se ajo u mbron
Se ajo u mbyt!...

Tjetër qeveri
Shqipot, po, nuk duan
Se ajo i qeth
Se ajo i ruan!...

Të tillë qeveri
Ku ta gjejmë vallë
Kur bëhet hataja
Hedh ndonjë kokallë!...

T'u bëfsha të syrit
Xhan, moj qeveri
Çdo muaj garant
Kemi dy ditë zi!...

Ecim edhe biem
Biem në hendeqe
Njëzet vjet me radhë
S'u nda kjo e keqe!...

S'u nda kjo e keqe
Që çdo ditë hap varre
Popull i përulur
Qeveri vrastare!...

Ç'më del në ekrane
O Sali, o lumë,
Se tani zullumin
E ke shtuar shumë!...

S'e peshon hiç fjalën
More qerrata,
Kur the:"Qeveria
Asnjë faj nuk ka!..."

S'dua të flas shumë
Se më thonë mistrec-
Nuk e hapa unë
Fabrikën në Gërdec!...

S'dua të flas shumë
Se mërzitesh Ti-
Nuk mora në punë
Gra edhe fëmi!...

Gra edhe fëmi
Që morën mandatën
Dhe siç thua ti
Vdiqën për kafshatën!...

Qeveri mavia
Që solle mandatën
Ti duhet të ikësh
Jo ditën, po natën!...

Jo ditën, po natën,
Me taborre blu
Se zi e Gërdecit
Nuk mbaron këtu!...

Nuk mbaron këtu
Oreksi i vampirëve
S'pyet nëse jetën
U merr plot fakirëve!...

Oreksi i vampirëve
Është i pasosur
Mbajnë nëpër xhepa
Dollarë të gjakosur!...

Oreksi i vampirëve
S'ndalet asnjëherë
Sikur gjithë' Atdheun
Ta hedhin në erë!...

Qeveri e dashur
Je bërë për bodec
Të rëntë një bombë
Mu si në Gërdec!...

Një bombë e një predhë
Xhan, moj Qeveri
Të shpëtojmë ne
Të shpëtosh dhe ti!...

[ergys]

hallall lale

shume e bukur

[guest]

Titulli nuk duhet te ishte poezi per gerdecin, por "angullima politike".
Gerdeci nuk eshte nje kerpudhe qe doli nen strehen e kesaj qeverie, por nje produkt i shume qeverive te deshtuara, te politikaneve bastarde dhe te injoranteve qe i ndjekin symbyllur dhe shqyejne duart duke duartrokitur neper mitingje.

Gerdeci eshte nje fatkeqesi qe nuk duhet shfrytezuar per te zevendesuar nje kriminel me nje tjeter. Gerdeci duhet te jete fillim i i nje gjyqi masiv ku gjithe politikanet shkojne ne burg!

[nemo]

he po talleni me fatekeqesite e te tjereve.

[SEND_ME_AN_ANGEL]

Nuk besoj duhet konsideruar tallje, por shprehje ne vargje e mendimit te poetit mbi tragjedine e Gerdecit.