Manchester utd Club

[King_Arthur]

Ferguson: Kjo është sfida më e rëndësishme

"Djajtë e kuq" nuk duhet të gabojnë asgjë ndaj francezëve të Lionit

Trajneri i Mançester Junajtid, Aleks Ferguson, ka bërë të qartë se nuk do të lejohen gabime në sfidën kundër Olimpikut të Lionit, pasi skuadra e tij vuajti të siguronte një barazim 1-1 në sfidën e parë në Francë. Për "Djajtë e kuq" do të kthehen në formacion dyshja Runi-Kristiano Ronaldo, të cilët u lanë pushim gjatë fundjavës për të qenë në formën më të mirë ndaj kampionëve të Francës. Anglezët kanë një rekord të jashtëzakonshëm pozitiv në ndeshjet në shtëpi, pasi nuk janë mundur asnjëherë në "Old Traford" nga ekip francez në Kupat e Evropës. "Ne duhet të fitojmë ndaj Lionit, pasi është një ndeshje shumë e rëndësishme për klubin. Gjëja më e mirë ishte që arritëm të fitonim edhe pa Runin e Kristiano Ronaldon, të cilët e kishin të nevojshëm një pushim. Lioni shqetësohet për Benzema? Ne nuk kemi thënë asnjëherë se jemi interesuar për të, dhe nuk do ta them një gjë të tillë as tani", u shpreh trajneri skocez i Mançester Junajtid. Nga ana tjetër, lojtarët e Lionit janë shfaqur mjaft optimistë rreth kësaj ndeshjeje, pas fitores 1-0 ndaj Lilës në fundjavë me shumë titullarë në stolin e rezervave. "Për ne ishte shenjë e keqe humbja 1-0 ndaj Le Mansh para ndeshjes së parë. Këtë radhë ne fituam, rigjetëm shpirtin e skuadrës dhe kjo është një shenjë e mirë, sidomos për faktin se në ndeshjen e parë treguam se mund të luajmë në të njëjtin nivel me Mançester Junajtid", deklaroi dje mbrojtësi i Lionit, Antoni Revejer. Francezët do t‘i besojnë një formacioni krejtësisht ofensiv, pasi trajneri Perrin do të aktivizojë në mesfushë Zhuninjo, Kallstrom dhe Ben Arfa, ndërsa në sulm do të jetë dyshja Benzema-Guvu. Ndonëse braziliani Fred është kthyer në formën e tij më të mirë, Perrin ka vendosur ta lërë në stol sulmuesin për ta përdorur në pjesën e dytë të ndeshjes, për të kërkuar një gol që mund ta kualifikojë skuadrën e tij.

[King_Arthur]

08/03/2008
Mançester Junajted, Ferguson nuk e mendon "pensionin"

Sër Aleks Ferguson ka refuzuar që të përcaktojë datën kur mund të largohet nga drejtimi i Mançester Junajted. Në një intervistë për një radio franceze, tekniku skocez kishte deklaruar pak kohë më parë se kjo mund të ndodhte në tre vitet e ardhshme. "Kam shumë pasion për lojën. Futbolli vazhdon të më bëjë të lumtur, ishin fjalët e tij. Megjithatë, jam 66 vjeç, mund të qëndroj edhe tre vjet e më pas ta mbyll karrierën". Gjithsesi, Ferguson ka ndryshuar qëndrim në konferencën për shtyp përpara sfidës me Portsmuth, duke thënë: "Deklarata ime ka qenë, se nëse gëzon shëndet të mirë dhe puna të pëlqen, kjo mund të zgjasë dy ose tre vjet. Megjithatë, nuk është se gjithçka duhet marrë si e mirëqenë. Largimi im nga drejtimi i Mançesterit mund të ndodhë pas katër vjetësh, por mund të ndodhë edhe nesër. Është e pamundur që të përcaktosh një datë të saktë për gjëra të tilla". Ferguson është tekniku më i dekoruar në Britaninë e Madhe. Nëse do të vendosë të largohet në vitin 2011, ai do të ketë kaluar plotë 25 vjet në "Olld Traford", ndërkohë që deri më tani ka fituar 18 trofe me "Red Devils", pasi ka mbërritur aty në nëntor të vitit 1986 nga Aberden. Për herë të parë që prej vitit 1999, Junajted është në garë për fitimin e tre trofeve.

[DarkAngel]