Tifozat e shalke 04

[King_Arthur]

Mire se vini ne shtepine e shalke 04

[King_Arthur]

Shalke, jubilare me Porton: 100 ndeshje, 50 fitore europiane!

Shalke luajti si një skuadër veterane në ndeshjen e saj të parë në fazën me eliminim direkt në Champions League, duke thyer kampionen në fuqi të Portugalisë, Porton 1﷓0 të martën në mbrëmje, duke festuar kështu ndeshjen e 100﷓të në kompeticionet europiane për klube, me fitoren e 50﷓të. Kevin Kurani shënoi golin e vetëm të ndeshjes që në minutën e katërt, pasi portieri i Portos Helton nuk arriti të mbante gjuajtjen e Rafinjas. Porto, që fitoi Champions League për herë të dytë në historinë e saj pikërisht në stadiumin e Shalkes, “Arena AufSchalke” në vitin 2004, nën drejtimin e Hoze Murinjos, nuk krijoi shumë raste për gol, para se Lisandro Lopez për pak desh barazoi nga një rast pa pretendime. Ai gjuajti nga një kënd i prirët, por topi i tij doli pak jashtë portës gjermane, kur duheshin vetëm 10 minuta nga përfundimi i takimit. Shumica e ekipit të Portos, që mundi Monakon në atë finale të fituar 3﷓0, u largua që atë sezon bashkë me Murinjon, por yje si Luço Gonzalez e Rikardo Kuarezma pretendonin të mos dilnin pa gjë nga stadiumi i mbushur plot i “minatorëve” gjermanë të Shalkes. Në fund lojtarët vendas u lodhën disi, duke humbur pak nga intensiteti i tyre, që ishte vërtet në nivele të pabesueshme në pjesën e parë. Por as lodhja nuk i prishi punë Shalkes, që diti t’i rezistonte sulmeve të Portos, që tani duhet tëfitojë patjetër në Oporto, për të pasur ndonjë shans për të ecur më tej në kompeticionin që ka fituar dy herë.