Berisha: As qe e mendojme“Shqiperine e Madhe”

[JetMir]

“Që në vitin 1991 unë kam parë një ide të kosovarëve për një shtet të tyre dhe absolutisht as ata as ne nuk e kemi kete ide”, u shpreh Berisha.


Pavaresia e Kosoves nuk do te thote bashkim ne te ashtuquajturen “Shqiperi e Madhe”. Berisha eshte shprehur kategorik kunder kesaj ideje ne nje interviste te dhene per gazeten “wall Street Journal”. “Që në vitin 1991 unë kam parë një ide të kosovarëve për një shtet të tyre dhe absolutisht as ata dhe as ne nuk e kemi idenë e Shqipërisë së Madhe”, u shpreh Berisha. Ai gjithashtu shprehu sigurine e tij, se pavaresisht se pas shpalljes se pavaresise Serbia do të ketë një reagim jo të mirë, vendet e tjera te rajonit do të reagojnë mirë, pasi e dinë se pavarësia e Kosovës është zgjidhja më e mirë për stabilitetin e rajonit. “Pavarësia do të ketë gjithashtu një efekt pozitiv edhe për shkakun se do të çojë në një zgjidhje të shpejtë të tranzicionit nacionalist në Serbi. Sa më shpejt të shpallet pavarësia në Kosovë aq më shpejt Serbia do të lërë pas të shkuarën e saj të hidhur dhe do të shohë drejt një të ardhmeje integruese në Europë”, tha Kryeministri Berisha në përgjigje të pyetjes.

Lidhur me projektin e Shqipërisë për anëtarësimin në Bashkimin Europian, Kryeministri Berisha tha se procesi po ecën me ritme shumë të mira, megjithate sipas tij procesi i anëtarësimit, nuk varet nga Shqipëria e cila tashmë ka arritur një stabilitet ekonomik politik dhe social, por varet nga vendimet e Brukselit. Por, - vijoi më tej Kryeministri Berisha - Brukseli ka qenë gjithnjë i qartë në fjalën e tij për perspektivën e Shqipërisë për anëtarësimin europian. Pra është thjeshtë çështje kohe dhe procedurash. Përsa i përket anëtarësimit në NATO, Kryeministri Berisha tha se ky është prioriteti më madhor i Shqipërisë dhe shqiptarëve. “Qytetarët shqiptarë mbështesin në masën 94 % anëtarësimin në NATO. Ne jemi tashmë me trupat tona të pranishëm në operacione të ndryshme paqëruajtëse në Bosnje, Afganistan dhe Irak dhe po përgatitemi të shkojmë së shpejti dhe në Darfur. Jemi duke u angazhuar me forcat tona në trajnimin e forcave afgane. Gjithashtu dhe dyfishimi i buxhetit për ushtrinë dhe krijimi i një ushtrie të vogël, por moderne dhe me zërin e fundit të teknologjisë tregon se Shqipëria do të jetë vërtetë një forcë e rëndësishme në bashkësinë e NATOs, e cila për ne nuk është vetëm një forcë politiko-ushtarake, por edhe një shtysë për ekonominë shqiptare në të ardhmen”, u shpreh Kryeministri Berisha.