GazeTaT Ne AlbStation

[InTriGa]

Po e Hap Kte Teme Per te Gjithe Ato Qe S kan ku SHofin Lajet e Dites .. Shpresoj Mos e mbyellin :)

[InTriGa]

Audicioni në Londër

Ledina Çelo arriti t’i tregojë publikut dhe fansave aventurën e saj londineze. Disa kohë më parë ajo mundi të sigurojë një kontratë për reklamim
in e veshjeve të brendshme dhe tentoi të bënte diçka ndryshe. E fokusuar tek kënga, videoklipet paksa të nxehtë, temë dite në faqet e gazetave me lajme rozë në Tiranë, Ledina arriti të krijonte diçka ndryshe. Emigrantët shqiptarë u befasuan kur në valët e BBC, gjatë fundjavës panë këngëtaren në një audicion të konkursit “DanceX”. Ishte një reality show në të cilin merrnin pjesë shumë konkurrentë, nga ku përzgjidheshin gjashtë më të mirët, të cilët më pas do të gëzonin të drejtën e formimit të një grupi vallëzimi të quajtur “Dance Super Group”. Shqiptarja që preku Eurovizionin tre vjet më parë ka mundur të kualifikohet në njëzet më të mirët në këtë konkurrim, ku morën pjesë dy mijë vetë. Që në fillim ajo ka habitur producentët e këtij reality show shumë të ndjekur, kur tha se origjina e saj ishte Shqipëria. Vlerësimet kanë qenë nga më maksimalet, në radhë të parë për vokalin, e më pas si balerinë. Si gjithmonë konfidente në skenë, Ledina në këtë audicion kërceu përpara një jurie e përbërë nga Arline Philips dhe Bruno Tonioli. Ky i fundit i dha asaj pikët maksimale në vallëzimin e stilit të lirë. Ndërsa interpretimi i një koreografie të përzgjedhur, një kërcim tepër strikt, ka qenë prova të cilën ajo nuk ka mundur të kalojë. Kjo eksperiencë e re e Ledinës në BBC nuk ka kaluar pa u vënë re nga producentët britanikë të shfaqjeve muzikale. Gjatë marrjes pjesë në provat e “DanceX”, këngëtarja është takuar me shumë persona të interesuar të bashkëpunojnë me të në produksione të ndryshme.

Ledina Çelo martohet me një anglez për dokumente. Një lajmbombë apo thashethem? Kjo është e reja më e fundit mbi këngëtaren e njohur të skenës shqiptare, e cila prej disa kohësh jeton në Angli. Burime të sigurta të “Bluetooth” e kanë konfirmuar si lajm informacionin rreth martesës së këngëtares, e cila ka dashur ta ruajë të fshehtë këtë fakt. Ndërkaq, pas një kontakti me telefon, këngëtarja nuk është se e ka mohuar pyetjen e “Bluetooth”, por ka mbyllur telefonin duke kërkuar të mos e shqetësonim.
Ledina Çelo është përfshirë në një martesë fals me një person me nënshtetësi britanike për ta pasur të lehtë vazhdimin e qëndrimit të saj në Angli pas ndarjes me ish-të dashurin që banonte në Londër. Kohët e fundit Ledina qëndron në Angli, duke marrë pjesë në aktivitete dhe konkurse të shumta të organizuara atje dhe që padyshim vijnë si një përzgjedhje e saj për të ecur edhe më lart në karrierë. Në mënyrë ekskluzive, ne ju rrëfejmë këtë martesë sekrete e cila do të habisë paksa fansat e saj, edhe pse këta të fundit e kuptojnë plotësisht këtë zgjedhje të detyrueshme që ka bërë këngëtarja. Artistja, që për hir të së vërtetës radhitet në elitën më të mirë të këngëtarëve shqiptarë, ia ka rrëfyer këtë një miku të saj, i cili dëshiron të mbetet anonim. Ka qenë një ambient i ngushtë miqsh që bëri Ledinën të flasë rreth vetes dhe jetës së saj private, teksa për herë të parë rrëfente një gjë të tillë. Të paktë janë ata persona të cilët deri më sot kanë ditur këtë martesë false, vetëm e vetëm për të fituar shtetësinë britanike. Njëri prej miqve të saj që konfirmon këtë informacion për “Bluetooth”, tregon se ishte habitur së tepërmi kur kishte dëgjuar këngëtaren të fliste rreth kësaj martese. “Kur po bisedonim me Ledinën rreth problemeve të dokumenteve në Angli, ajo me menefregizmin dhe mendjemadhësinë që e karakterizon u shpreh se për vete ishte rehat, duke qeshur e shtuar se ishte martuar për punën e letrave me një person me nënshtetësi britanike. Por nuk e ka zgjatur më tej këtë bisedë, duke mos dhënë asnjë të dhënë rreth personit që ka pranuar ta kryejë një veprim të tillë të jashtëligjshëm”, - shprehet miku i këngëtares, që siç theksuam edhe më lart preferon të mbetet anonim. Sipas tij, ka dy mundësi: Ose personi i martuar me këngëtaren të jetë qytetar britanik, ose ndonjë shqiptar që ka fituar qytetarinë britanike. Sipas ligjit britanik, martesa të tilla të jashtëligjshme gjobiten me nga 5 deri në 7 mijë stërlina. Më tej ai ka sqaruar se martesa mund të ketë ndodhur disa vite më parë, kur Ledina ishte e lumtur në krahët e të dashurit të saj, Redit me origjinë nga Tirana, por që prej 12 vitesh jeton në lagjen “Çelsi”, që njihet si zona e më të pasurve në Londër. Nëse autoritetet britanike vërtetojnë që Çelo është e përfshirë në një “Sham Marriage” (Martesë jo legjitime), siç njihen në Britaninë e Madhe, ajo rrezikon të penalizohet.
Ndërkaq, të shumtë janë zërat dhe thashethemet që qarkullojnë korridoreve në Akademinë e Arteve, ku duket se kjo martesë nuk qenka kaq e fshehur. “Bluetooth” pyeti dhe në akademi, dhe shumica e dinin fare mirë martesën e saj. Gjithsesi, këngëtarja vetë e kontaktuar nga ne, nuk është se e mohoi kur e pyetëm, por thjesht na tha që s’kishim pse e shqetësonim duke na mbyllur telefonin. Fenomeni i të tilla martesave mësohet se është shumë i përhapur në Britaninë e Madhe dhe kryhet nga ata të huaj që nuk kanë leje qëndrimi. Mesa duket kësaj zgjedhjeje nuk ka mbetur pa i shpëtuar këngëtarja që preku Eurovizionin, e cila pas ndarjes me të dashurin vendosi mos të largohet nga Londra. Në intervista të shumta të dhënë për media të ndryshme në Tiranë, Ledina është shprehur se në Angli po merr kurse private për aktrim dhe vallëzim. Ledina në fakt ka tentuar të jetë pjesë e një spektakli vallëzimi në BBC, por për fat të keq nuk ka mundur të kualifikohet

[InTriGa]

Ish-Miss Shqipëria dhe këngëtarja Zajmina Vasjari, është një tjetër bukuroshe e tunduar për të pasur një trup sa më seksi. Edhe ajo është nga ato që dëshiron ta ekspozojë sa më shumë trupin e saj. Dhe me të drejtë në fakt, pasi ajo gëzon vërtet një trup të bukur dhe për t’u pasur zili, jo vetëm nga meshkujt. Ajo çfarë thuhet e deri diku është pohuar edhe nga vetë këngëtarja e re, është se për të ardhur në linjat e përsosura që ka sot të gjoksit, asaj i është dashur të bëjë një ndërhyrje tek gjokset e saj. Disa zëra thonë se për të arritur në përmasat që ka sot, asaj i është dashur të bëjë dy ndërhyrje të tilla. E gjithmonë sipas thashethemeve, ajo ka shkuar në Maqedoni për të realizuar qëllimin e saj. Në fakt, Zajmina nuk është e vetmja mes personazheve të njohur që kanë bërë operacione plastike. Edhe mjaft emra të tjerë i janë nënshtruar ndërhyrjeve të tilla, qoftë në buzë, hundë, mollëza, e gjoks. Megjithatë, shumë pak prej tyre e kanë pohuar deri më tani këtë gjë. Ndër ata që e kanë pohuar renditet emri i aktores së njohur, Luiza Xhuvani, së cilës i është dashur të ndërhyjë në hundë për arsye shëndetësore në fakt, apo edhe Paloma, e cila gjithashtu ka bërë hundën në Spitalin Ushtarak

[InTriGa]

Veshja mjaft klas e Elvana Gjatës gjatë finales së Festivalit të “Këngës Magjike”, tërhoqi vëmendjen e të gjithëve. Kjo sepse këngëtarja “vogëlushe” këtë herë kishte vendosur të tregonte hijeshinë e saj me një veshje që faktikisht nuk ka qenë në stilin e saj. Madje, për këtë edhe u komentua për “kopjim” të J.Lo apo Beyonce Knowles. Por vetë ajo, në një intervistë për “Bluetooth”, e argumentoi këtë jo si një imitim, por tregoi se ai ishte fustan i modës së këtij viti. Në fakt, përsos faktit se sa origjinale ishte me atë fustan, ajo që u ra në sy jo pakëve ishin gjokset e Elvanës. Hamendjet pa dashje shkuan deri aty, sa të thuhej se Elvana Gjata ka bërë operacion plastik… E jo pak e besuan këtë gjë. Gjithsesi, ne pyetëm për këtë gjë, dhe e vërteta është se Elvana nuk ka bërë ende një operacion të këtij lloji. E vërteta është se ndërsa ajo nuk shquhet për ndonjë gjoks seksi në raste të veçanta, atë natë në “Këngën Magjike”, për t’u dukur sa më bukur asaj i është dashur të përdorë reçipeta me mjaft mbushje. Pavarësisht se kjo nuk ja ka ndryshuar madhësinë e gjoksit, rëndësi ka që qëllimit ia arriti… qoftë për t’u shfaqur seksi, qoftë edhe për të ngacmuar imagjinatën e njerëzve..

[InTriGa]

Paga me e vogel, 46 mije leke

Paga më e vogël në polici është 46.000 lekë, ndërsa më e larta, 129.500 lekë. Vendimi për pagat e punonjësve të policisë është marrë qysh në 18 gusht të këtij viti, me vendim të Këshillit të Ministrave. Implementimi i gradave të reja shënon një rritje të konsiderueshme të rrogave për punonjësit e policisë, pasi eliminon pesë klasifikimet e rolit bazë. Kështu, grada më e vogël për një punonjës policie është nën/inspektor me pagën bazë 46 mijë lekë, ndërsa me gradat ekzistuese është agjent dhe me pagën 31.350 lekë. Më të përfituarit janë punonjësit e policisë që nuk rezultonin të titulluar oficerë, pasi veç titullit, tashmë do gëzojnë edhe pagat e oficerëve. Në tabelën e servirur nga Gazeta, janë të gjitha parashikimet e pagave sipas gradave të reja dhe vështirësive në punë.

Skema, si do të ndahen gradat e reja të policisë

Zbardhet skema e implementimit të gradave të reja në Policinë e Shtetit. Ndërkohë, zbulohet dhe skema e pagave të reka për policinë. Gradat ekzistuese kalojnë një nivel më lart. Nuk do të ketë më ndarje në oficer dhe polic të thjeshtë. Por gradat në polici do të nisin nga nën/inspektorë, të cilët do të jenë punonjësit e policisë në periudhën dyvjeçare të provës. Nën/inspektorë titulloheshin vetëm oficerët që sapo kishin mbaruar shkollën 3-vjeçare në Akademinë e Policisë “Arben Zylyftari”, apo akademitë e policisë homologe në vendet partnere. Grada më e lartë do të jetë ajo funksionale, Drejtor i Përgjithshëm i Policisë dhe Zëvendësdrejtor i Përgjithshëm i Policisë. Kurse të gjithë drejtorët e policive në qarqe dhe drejtoritë e drejtorive qendrore të policisë, titullohen automatikisht Drejtues të Parë. Gazeta ka zbardhur edhe funksionet ekuivalente për gradat e reja. Por duket që në propozimet e kryera në kuadër të strukturave të reja në drejtoritë e qarqeve, skema gradë-funksion, në mjaft raste është shkelur me të dyja këmbët. Janë një numër i konsiderueshëm oficerësh që humbasin gradat ekuivalente. Këta janë kryesisht oficerë të sektorit të Policisë së Rendit në drejtoritë dhe komisariatet.
Emerimet
Ata që gëzojnë pjesën më të majme të tortës në propozimet e kryera për strukturat e reja, padyshim që janë oficerët e Policisë Kriminale. Në mjaft raste, ata nuk gëzojnë as gradën e nevojshme për të mbajtur funksionet e caktuara. Kurse sipas burimeve, në disa raste propozimet janë kryer pa kriter, pa u hetuar dosjet apo aktivitetet jashtë vendit për oficerët e që riveshën uniformën e policisë pas 3 korrikut të vitit 2005. Burime të pakonfirmuara janë shprehur se nga ata oficerë të propozuar për t’u emëruar në poste të rëndësishme, që gjatë qëndrimit apo pas kthimit nga emigrimi, kanë ndryshuar edhe emrin për të “fshirë” aktivitetet e tyre jashtë vendit. Të njëjtat burime shprehen se për këto kanë vënë në dijeni edhe Presidentin e Republikës, Bamir Topi. Vetëm në Qarkun e Tiranës janë propozuar për të drejtuar sektorin e policimit në komunitet në gjashtë komisariate, 3 oficerë të Policisë Kriminale. Ndërsa propozimet janë mbajtur sekret prej grupit të punës, në korridoret e komisariateve kanë nisur të dëgjohen pakënaqësi. Në gjashtë komisariatet e Tiranës, vetëm për dy prej tyre janë propozuar që policimi në komunitet të drejtohet nga oficerë të mirëfilltë të Policisë së Rendit. Asnjë prej 4 oficerëve të Policisë Kriminale, që pritet të drejtojnë dhe organizojnë punën e inspektorëve të Rendit, nuk ka ndonjë përvojë në fushën e rendit, apo policimit në komunitet. Në komisariate do të ndërtohen tre seksione, ku më i rëndësishmi ishte pikërisht policimi në komunitet. Ky seksion do të mbikëqyrte punën e inspektorëve të Rendit në terren. Në nivel nënseksioni janë planifikuar kontrolli i territorit dhe forcat mbështetëse, ku do të përfshihen grupet e gatshme dhe patrullat e përgjithshme. Ndërsa në komisariatet ku ka objekte të rëndësisë së veçantë, do të krijohet një seksion për ruajtjen e tyre, ku do të “rehabilitohen” punonjësit e Komisariatit të Ruajtjes së Objekteve, i destinuar për t’u “shkrirë”. Burime të cilat nuk preferuan të prononcoheshin me emër, janë shprehur që ndërsa në Parlament debatohet për spiunët e Sigurimit të Shtetit, në Policinë e Shtetit vazhdojnë të emërohen në poste kyçe, oficerë që kanë për arsimim bazë, pikërisht shkollën dhe përvojën e Sigurimit të Shtetit