Prezantohen tre projektet e reja për energjinë

[King_Arthur]

Shqipëria vazhdon të mbetet si synim kryesor për investimet e kompanive të huaja. Klima mjaft e përshtatshme që e karakterizon vendin tonë është shkaku kryesor i fluksit që kanë kompanitë e huaja për të investuar. Kryeministri Berisha ka pasur dje një ditë të ngjeshur takimesh, ku ka marrë një sërë projektesh investuese në fushën e energjisë. Shoqëri të ndryshme kanë treguar interes në fushën energjetike. Kompania “Statkraft” ka prezantuar një projekt–ide për hidrocentralin e Skavicës. Ndërkohë që një kompani tjetër kanadeze–amerikane ka prezantuar dy projekte për prodhimin e energjisë.
Projektet
Kompani të ndryshme të tregut botëror shfaqin interesin e tyre për të investuar në fushën energjetike. Kryeministrit Berisha i janë prezantuar disa projekte për prodhimin e energjisë. Zëvendëspresidenti i kompanisë “Statkraft” ka paraqitur një projekt–ide për hidrocentralin e Skavicës. Ata kanë zgjedhur Shqipërinë si një vend me burime energjie të rinovueshme, uji dhe ere. Ndërkohë, nga ana tjetër një kompani tjetër amerikano- kanadeze “Naanova”, ka sjellë në zyrën e Kryeministrit dy projekte konkrete. Projekti i parë ka të bëjë me prodhimin e energjisë diellorë në Shqipëri. Ndërsa projekti tjetër lidhet me përpunimin e mbetjeve urbane dhe prodhimin e energjisë prej tyre. Gjithashtu gjatë takimit me një grup biznesmenësh izraelitë, Berisha është njohur me projektet në fushën e bujqësisë dhe industrisë ushqimore.
Investime
Kompania e huaj “Harri Lena” ka akorduar një shumë investimesh në Shqipëri, prej 7 milionë eurosh. Këto investime do të jenë në fushat e agro-industrisë dhe turizmit në zonën e Këlcyrës. Investime këto, mjaft të rëndësishme, të cilat synojnë të zhvillojnë turizmin në zona të ndryshme të vendit. Kryeministri Berisha, në të gjithë takimet e bëra ka shprehur mirënjohjen e dhe vlerësimin e tij, për interesin që shfaqin këto kompani. Berisha ka ofruar mbështetjen e tij për të gjitha kompanitë serioze që kanë synim investimet në Shqipëri.