“Shou must go on”, hiti i fundit i Fredi Merkurit

[sabah]

"Ai arrinte ta mbante gjithë audiencën në pëllëmbë të dorës", - ka thënë këngëtari David Bowie për liderin e grupit, “Queen”, Fredi Merkurin.
http://img40.imageshack.us/img40/5048/fredmerkuri.jpg
Lideri i grupit të famshëm, “Queen”, i njohur edhe me emrin Farrokh Bulsara, lindi në vitin 1946 në Gujarati të Indisë. Karriera e tij muzikore filloi që në moshën tetëvjeçare, kur ai formoi një grup të quajtur "The Hectics". Më pas, në moshën 17-vjeçare ai së bashku me familjen e tij, emigruan në Middlesex, Angli. Aty ai u diplomua në Art dhe Dizajn dhe formoi grupin "Ibex", i cili pati një jetë mjaft të shkurtër. Në vitin 1970 ai u bashkua me kitaristin Brian May dhe bateristin Roger Taylor dhe formuan grupin "Smile". Me gjithë kundërshtimet e anëtarëve të tjerë të grupit, Fredi zgjodhi emrin "Queen" dhe ndërroi mbiemrin e tij në Merkuri. ""Queen" shiti rreth 300 milionë albume dhe ka ndenjur në majat e klasifikimeve në Britani më shumë se çdo grup tjetër. Fredi Merkuri është votuar si një nga rokerët më të mëdhenj të të gjitha kohërave dhe zëri i dytë më i mirë në historinë e muzikës. Në vitin 1974, Merkuri rrëfeu për një revistë se përveç femrave pëlqente dhe meshkujt, gjë që u komentua shumë në SHBA dhe jo vetëm. Ai u diagnostikua pozitiv në testin e AIDS në vitin 1987, por e mbajti të fshehur për shumë kohë. Freddy Mercury ndërroi jetë në moshën 45-vjeçare, si pasojë e bronkopneumonisë. Kënga e fundit në të cilën mori pjesë ai, ishte "Show must Go On", vetëm 6 javë para vdekjes së tij. Një hit, i cili edhe sot dëgjohet me aq dashuri dhe emocion, si në ditët e para të pasimit. Ikona e rokut dhe legjenda e skenës muzikore në mbarë globin, Fredi Merkuri, ndryshoi rrjedhën e të bërit muzikë dhe la pas vetes një repertor, i cili është i pranueshëm në të gjitha kohët.